މާލޭ މޭރީ ބްރައުން ކުރިމަތީ ޕާކުކޮށްފައި އޮތް ކާރެއްގައި އަލިފާން ރޯވެއްޖެ އެވެ.
އެމްއެންޑީއެފްއިން ބުނީ މިއަދު 11:48 ހާއިރު މި ހާދިސާގެ މަޢުލޫމާތު ލިބުމާއެކު އެމްއެންޑީއެފް ފަޔަރ އެންޑް ރެސްކިޔު ސަރވިސްގެ ފަޔަރ ފައިޓަރުން ވަނީ އެ ސަރަހައްދަށް ގޮސް އަލިފާން ނިއްވުމުގެ މަސައްކަތްކޮށް، އަލިފާން ނިއްވާލާފައި ކަމަށެވެ.
އަލިފާން ނިއްވާލެވުނީ މިއަދު 12:56 ހާއިރުކަމަށް އެމްއެންޑީއެފްއިން ބުނެފައި ވެއެވެ.
މި ހާދިސާގައި އެއްވެސް މީހަކަށް އަނިޔާވިކަމުގެ މަޢުލޫމާތެއް ލިބިފައެއް ނުވެއެވެ.
މިދިޔަ މަހުގެ ފަހުކޮޅުގައިވެސް މާލޭގައި ވަނީ ކާރެއްގައި ރޯކޮށްލާފައެވެ. އެގޮތުން މާލޭހިޔާ ޕާކިންޒޯންގައި ޕާކްކޮށްފައި އޮތް ކާރެއްގައި ރޯކޮށްލާ، މިމައްސަލާގައި ބަޔަކު ހައްޔަރުކޮށްފައި ވެއެވެ.
