އިޒްރޭލުން ޣައްޒާގެ ބެއިތު ލަހިޔާ ސިޓީގެ ކަމާލް އަދުވާން ހޮސްޕިޓަލަށް ދިން ހަމަލާތަކުގައި މަރުވި މީހުންގެ އަދަދު 29 އަށް އަރާފައިވާ ކަމަށް ޣައްޒާގެ މަދަނީ ދިފާޢީ އެޖެންސީން ބުނެފިއެވެ.
"ހޮސްޕިޓަލުގެ އުތުރާއި ހުޅަނގަށް ވައިގެ ހަމަލާތައް ސިލްސިލާކޮށް ދީފައިވާއިރު، އެއާއެކު ވަރުގަދަ އަދި ސީދާ ބަޑިޖެހުންތައްވެސް ހިނގާފައިވޭ"، ހޮސްޕިޓަލުގެ ޑިރެކްޓަރު، ހޮއްސާމް އަބޫ ސާފިއޭ އޭއެފްޕީ އަށް މަޢުލޫމާތު ދީފައިވެއެވެ. އަދި ހޮސްޕިޓަލުގެ ހަތަރު މުވައްޒަފުންވެސް މި ހަމަލާތަކުގައި ޝަހީދުވެފައިވާ ކަމަށް އޭނާ ވިދާޅުވިއެވެ.
މަދަނީ ދިފާޢީ އެޖެންސީގެ ތަރުޖަމާނު، މަހުމޫދު ބައްސާލު އާ ހަވާލާދީ އަލްޖަޒީރާ އިން ރިޕޯޓުކުރާ ގޮތުގައި މި ހަމަލާތަކުގައި މަދުވެގެން 29 މީހުން މަރުވެފައިވާއިރު، އެތަކެއް މީހުންނެއް ވަނީ ޒަޚަމްވެފައެވެ. ބައްސާލް ވިދާޅުވީ އިޒްރޭލުގެ ސިފައިން ވަނީ ހޮސްޕިޓަލަށް ވަދެ، ބަލިމީހުން ހުސްކޮށް، ފަލަސްޠީނުގެ އެތައް ރައްޔިތުންނެއް ހައްޔަރުކޮށްފައެވެ. އަބޫ ސާފިއޭ ވިދާޅުވީ، އިޒްރޭލުގެ ހަމަލާތަކުގެ ސަބަބުން ހޮސްޕިޓަލުގައި މިހާރު އެއްވެސް ސާޖަނެއް ނެތް ކަމަށެވެ.
މި ލިޔުން ކިޔާލުމުން
