މި ހިނގާ ނޮވެމްބަރު މަހުގައި ކ.ގުޅިން ފާނަބަސަންދުގެ 11 ކޭސް ރިޕޯޓުކޮށްފައިވާ ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން މިއަދު ބުނެފިއެވެ.
އެކްސްގައި ކުރި ޕޯސްޓެއްގައި އެޗްޕީއޭއިން ބުނީ ނޮވެމްބަރު މަހު ގުޅިން ފާނަބަސަންދުގެ 11 ކޭސް ރިޕޯޓް ކޮށްފައިވާ ކަމަށާއި، މީގެތެރެއިން ދެ މީހަކު އައިޖީއެމްއެޗުގައި އެޑްމިޓްކޮށް، އިތުރު ފަރުވާދެމުންދާ ކަމަށެވެ.
އެޗްޕީއޭއިން ބުނީ ފާނަބަސަންދުގެ ކޭސްތައް އާންމުކޮށް ރާއްޖޭގެ އެކި ހިސާބުތަކުން ކޮންމެ އަހަރަކުވެސް ރިޕޯޓުކުރާ ކަމަށެވެ.
އެގޮތުން މި އަހަރުގެ ނޮވެމްބަރާ ހަމައަށް މުޅި ރާއްޖެއިން 2,977 ކޭސް ރިޕޯޓް ކުރެވިފައިވާ ކަމަށާއި، އެއީ މާލެ ސަރަހައްދުން 1,506 ކޭސް އަދި އަތޮޅުތަކުން 1,471 ކޭސް ކަމަށް އެޗްޕީއޭއިން ބުންޏެވެ.
ފާނަބަސަންދު (ޗިކަންޕޮކްސް) އަކީ ވައިރަހަކުން ޖެހޭ ބައްޔެކެވެ. މި ބައްޔަކީ އާންމުކޮށް ކުޑަކުދިންނަށް ޖެހޭ ބައްޔެކެވެ. ނަމަވެސް ބޮޑެތި މީހުންނަށް ވެސް މި ބަލި ޖެހެއެވެ.
މި ބަލީގެ އަލާމާތްތަކުގެ ތެރޭގައި ހުންއައުމާއި، ވަރުދެރަވުމާއި، ނޭފަތުން ފެން އައުމާއި، ހަމުގައި ބިހިތަކެއް ނެގުން ހިމެނެއެވެ. އެއަށްފަހު މި ބިހިތައް ފެންފޮޅުތަކަކަށް ބަދަލުވެއެވެ. މި ބިހިތަކަކީ ވަރަށް ހިރުވާ އަދި ފަސޭހައިން ފަޅައިގެންދާ ބިހިތަކެކެވެ. އަދި ދެތިން ދުވަސްތެރޭގައި ހަށިގަނޑުގެ އެކި ތަންތަނުގައި ފެންބިހި ނަގައެވެ.
މި ލިޔުން ކިޔާލުމުން
