އެއަރ މޯލްޑިވްސްގެ ދުވަސްވަރު ރާއްޖޭގެ ވައިގެ އުދުހުންތަކުގައި ފުރަތަމަ ބޭނުންކުރި ޑޯނިއާ 2 މަތިންދާ ބޯޓު ކުޑަގިރި ފަޅުތެރެއަށް ފައްތާ ތާރީޚީ ޑައިވް ސައިޓު ހުޅުވާލައިފިއެވެ.
މިޑައިވް ރެކަށް ނަން ދީފައިވަނީ "ކުޑަގިރި ދޫނިއާ ރެކް"ގެ ނަމުންނެވެ.
މި ޑައިވް ސެންޓަރ ހުޅުވީ15 މާރިޗް2025 ގައެވެ.
މިސައިޓު ހުޅުވުމަށް ކުރިއަށްދިޔަ އިވެންޓުގައި ޓޫރިޒަމް އެންޑް އެންވަޔަރމަންޓް މިނިސްޓަރ ޠާރިޤު އިބްރާހީމާއި އެޗްޑީސީގެ މެނޭޖިންގ ޑިރެކްޓަރ މުޙައްމަދު މަޢުރޫފް ޖަމީލާއި އުރީދޫ މޯލްޑިވްސްގެ އިސްވެރިންވަނީ ބައިވެރިވެވަޑައިގެންފައެވެ.
ފޮޓޯ: ހައުސިންގް ޑެވެލޮޕްމަންޓް ކޯޕަރޭޝަން ( އެޗްޑީސީ )
މިސައިޓަކީ ފަތުރުވެރިކަން ކުރިއަރުވާ އިޝަތިހާރު ކުރުމުގެ މަޤްށަދުގައި ހެދި ތަނެކެވެ. އެތަނަށް އަންނަ ފަތުރުވެރިންނާއި ޒިޔާރަތްކުރާ ފަރާތްތަކަށް ޝައުގުވެރި ތަނެއްގެ ގޮތުގައި އިތުރަށް ފުރިހަމައަށް ތަރައްޤީކުރުމަށްޓަކައި ޑައިވް ސައިޓުގައި މުރަކަ އިންދުމަށް ވަނީ ނިންމާފައެވެ. ކުޑަގިރި ފަޅުތެރޭގައި ތަރައްޤީކޮށްފައިވާ މި ސަރަޙައްދު ބަލަހައްޓާނީ އެޗްޑީސީންނެވެ.
