އީރާނުގެ ހަނގުރާމައާ ގުޅިގެން ގާތްގަނޑަކަށް ބަންދުވެފައިވާ، ހަކަތަ ފޯރުކޮށްދިނުމުގައި މުހިންމު ހޮރްމުޒް ކަނޑުއޮޅި ބައިޕާސްކުރުމަށް މެދުއިރުމަތީގެ ކްލައިންޓުން ކުރިއަށްގެންދާ އިންފްރާސްޓްރަކްޗާ އިންވެސްޓްމަންޓްތަކުގެ ފައިދާ ލިބޭނެ ކަމަށް އިންޖިނިއާސް އިންޑިއާއިން އުންމީދުކުރާ ކަމަށް ހާމަކޮށްފިއެވެ.
ހޮރްމުޒް ކަނޑުއޮޅި ބައިޕާސްކުރުމަށްޓަކައި ހޮޅިލައިންތަކާއި، ތެޔޮ ޓާމިނަލްތަކާއި އަދި ކަނޑުގެ އިންފްރާސްޓްރަކްޗާ ހިމެނޭހެން ތެލުގެ ވަސީލަތްތައް ގާއިމުކުރުމަށް ޔޫއޭއީ އަދި ސައުދީ އަރަބިއްޔާއާ އެކު އިންޖިނިއާސް އިންޑިއާއިން މަޝްވަރާ ކުރަމުންދާ ކަމަށް އެ ކުންފުނީގެ ޗެއާމަން އަތުލް ގުޕްތާ ވިދާޅުވެއްޖެއެވެ.
އެ ސަރަހައްދުން ލިބޭ އޯޑަރުތައް މިހާރު މަދުވެފައިވީ ނަމަވެސް، މި ހަމަނުޖެހުމުގެ ސަބަބުން ކުންފުންޏަށް އާ ފުރުސަތުތަކެއް ފަހިވެގެން ގޮސްފައިވާ ކަމަށް ގުޕްތާ ފާހަގަކުރެއްވިއެވެ.
މެދުއިރުމަތީގެ ހާލަތު ރަނގަޅުވަމުންދާ ވަރަކަށް ކުންފުނީގެ މިހާރުގެ 170 ބިލިއަން ރުޕީސްގެ އޯޑަރު ފޮތް އިތުރަށް ފުޅާވާނެ ކަމަށާއި، ފުޖައިރާގައި ބިމުގެ އަޑީގައި ތެޔޮ ރައްކާކުރާ އިތުރު ވަސީލަތްތައް ގާއިމުކުރުމަށް ޔޫއޭއީން ރާވަމުންދާ ކަމަށް ގުޕްތާ ވިދާޅުވިއެވެ.
މިދިޔަ ފެބްރުއަރީ މަހު އިންޖިނިއާސް އިންޑިއާއިން ސައުދީ އަރަބިއްޔާގައި އޮފީހެއް ހުޅުވާފައިވާއިރު، އެ ކުންފުނީގެ ގޮތްޕެއް މިހާރުވެސް ޔޫއޭއީގައި ހިންގަމުންދެއެވެ.
މި ލިޔުން ކިޔާލުމުން
