ސިޓީން މޮޅުނުވެ، ވިދިވިދިގެން 6 މެޗު

ޗެމްޕިއަންސް ލީގުގައި ރޭ ފޭނޫޑްއާ ބައްދަލުކޮށް 3-3 އިން މެންޗެސްޓާ ސިޓީ އެއްވަރުވެއްޖެ އެވެ. މި މެޗަކީ ސިޓީ އަށް މޮޅެއް ނުލިބި ވިދިވިދިގެން ނިންމާލި ހަވަނަ މެޗެވެ. އަމިއްލަ ދަނޑުގައި ކުޅުނު މި މެޗުގެ 44 ވަނަ މިނެޓްގައި ލިބުނު ޕެނަލްޓީއަކުން އާލިން ހާލަންޑް ވަނީ ސިޓީގެ ފުރަތަމަ ލަނޑު ޖަހައިދީފައެވެ. އަދި ދެވަނަ ހާފްގެ ކުރީކޮޅު އިލްކާއި ގުންޑޮގާން އާއި ހާލަންޑްގެ ލަނޑުތަކުން ސިޓީން ވަނީ ލީޑު ފުޅާކޮށްފަ އެވެ. ނަމަވެސް މެޗުގެ ފަހު 14 މިނެޓްތެރޭ ޖެހި ތިން ލަނޑުން ފޭނޫޑް އިން ވަނީ ނަތީޖާ އެއްވަރުކޮށްފައެވެ. މީ ޗެމްޕިއަންސް ލީގުގެ ތާރީހުގައި ވެސް އެހާ ވަގުތު ތެރޭ އެ ވަރުގެ ލީޑެއް ފަހަތުން އަރާ ނަގާލި ފުރަތަމަ ފަހަރެވެ.

ސިޓީގެ ކޯޗު ޕެޕް ގާޑިއޯލާގެ ކޯޗިން ކެރިއަރުގައި އޭނާ އަށް މޮޅެއް ނުލިބި އެންމެ ގިނަ މެޗު ގުނަން ޖެހުނުވެސް މީ ފުރަތަމަ ފަހަރެވެ.

މި ނަތީޖާއާ އެކު ސިޓީ އޮތީ ފަސް މެޗުން ލިބުނު 8 ޕޮއިންޓާ އެކު ޗެމްޕިއަންސް ލީގުގެ 15 ވަނައިގަ އެވެ.