ތ.އަތޮޅުގެ ފުލުހުން، އެ އަތޮޅު ރަށްތަކުގެ ސްކޫލު ކުދިންނަށް އަމާޒުކޮށްގެން ކުރިޔަށްގެންދާ ”މަވެސް ފަތާނަން” ޕްރޮގްރާމް ތ.ހިރިލަންދޫގައި ކުރިޔަށް ގެންގޮސްފިއެވެ.
މިއީ މި ޕްރޮގްރާމް ކުރިޔަށް ގެންގޮސްފައިވާ ހަ ވަނަ ރަށެވެ.
މި ޕްރޮގްރާމަކީ ކޮންމެ ދަރިވަރަކީވެސް ފަތަން އެނގޭ ކުއްޖަކަށް ހެދުމަށްޓަކައި ހިރިލަންދޫ ޕޮލިސް ސްޓޭޝަނުން އިސްނަގައިގެން އެ ރަށުގެ މުއައްސަސާތަކާ ގުޅިގެން ހިރިލަންދޫ ސްކޫލުގެ ދަރިވަރުންނަށް އަމާޒުކޮށްގެން ކުރިޔަށް ގެންދިޔަ ޕްރޮގްރާމެކެވެ.
އޮކްޓޯބަރ މަހުގެ 24 ވަނަ ދުވަހުން ފެށިގެން ނޮވެމްބަރ 08 ވަނަ ދުވަހުގެ ނިޔަލަށް ކުރިޔަށް ގެންގޮސްފައިވާ ޕްރޮގްރާމުގައި އެ ސްކޫލުގެ 41 ދަރިވަރުން ވަނީ ބައިވެރިވެފައެވެ.
މީގެތެރެއިން 40 ދަރިވަރުން ވަނީ ފަތަން ދަސްކޮށް ސެޓްފިކެޓް ހާސިލުކޮށްފައެވެ. މި ޕްރޮގަރާމުގައި ފަތަން ދަސްކޮށްދިނުމުގެ އިތުރުން ދިރިއުޅުމުގެ ރީތި އަދަބުތައްވެސް ވަނީ ދަރިވަރުންނަށް ދަސްކޮށްދީފައެވެ.
ހިރިލަންދޫ ސްކޫލުގެ ފަރާތުން ވަނީ މި ޕްރޮގްރާމްގައި އެހީތެރިވެދެއްވި ފަރާތްތަކަށް ހަނދާނީ ފިލާ ދީފައެވެ.
މި ލިޔުން ކިޔާލުމުން
