ސްޓޭޓް އިލެކްޓްރިކް ކޮމްޕެނީ (ސްޓެލްކޯ) އިން މުހިންމު މަސައްކަތެއް ކުރުމަށް މާދަމާ މާލެއާއި، ހުޅުމާލެއިން ކަރަންޓު ކެނޑިދާނެކަމުގައި އެ ކުންފުނިން ބުނެފިއެވެ.
ސްޓެލްކޯއިން ބުނީ ގްރޭޓާ މާލެ އިންޓަރކަނެކްޝަން ގްރިޑް ނެޓްވޯކުގައި ކޮންމެހެން ކުރަންޖެހޭ މުހިންމު މަސައްކަތްތަކެއް ކުރުމަށް ހުޅުމާލެ އަދި މާލޭގެ ބައެއް ސަރަހައްދުތަކުން 11 އޮކްޓޯބަރު 2024 ވާ ހުކުރު ދުވަހުގެ ހެނދުނު 6:00 އިން 7:00 އާ ދެމެދު ކަރަންޓު ކެނޑުމަކީ އެކަށީގެންވާ ކަމެއް ކަމަށެވެ.
ކުރަމުންދާ މަސައްކަތެއްގެ ސަބަބުން ކަރަންޓު ކެނޑޭނެކަމަށް ލަފާކުރާނަމަ އެކުންފުނިން ކަސްޓަމަރުންނަށް ކުރީބައިގައި އެކަން އަންގައެވެ.
ސްޓެލްކޯއިން ވަނީ މިކަމުގެ ސަބަބުން ރައްޔިތުންނަށް ދިމާވެދާނެ ދަތިތަކަށް މާފަށް އެދިފައެވެ.
ސްޓެލްކޯއިން ދަނީ އެކުންފުނީގެ ޚިދުމަތްތައް ރަނގަޅުކޮށް ކުންފުނީގެ އާމްދަނީ އިތުރުކުރުމަށް ގިނަ މަސައްކަތްތަކެއް ކުރަމުންނެވެ.
