ފަލަސްތީނުގެ މިނިވަން ދައުލަތެއް ނެތި އިޒްރޭލާ ގުޅުން ގާއިމު ނުކުރާނެ ކަމަށް އަނެއްކާވެސް ސައޫދީ އަރަބިއްޔާއއިން ހާމަކޮށްފިއެވެ.
މިކަން ހާމަކޮށްފައިވަނީ ވަލީ އަހުދު މުހައްމަދު ބިން ސަލްމާން އެ ގައުމުގެ މަޝްވަރާ މަޖިލިހުގެ ޖަލްސާއެއް ފައްޓަވައިދެއްވަމުންނެވެ.
އިރުމަތީ ގުދުސް އަކީ ފަލްސްތީނުގެ ވެރިރަށުގެ ގޮތުގައި ކަނޑައަޅައި ، ފަލަސްތީނަށް މިނިވަން ދައުލަތެއްގެ ދަރަޖަ ހޯދައި ދިނުމަށް ކުރަމުންދާ މަސައްކަތް ކުރިއަށް ގެންދަވާނެ ކަމަށާއި އަދި އޭގެ ކުރިން އިޒްރޭލާ އެކު ގުޅުން ބަދަހި ނުކުރާނެ މުހައްމަދު ބިން ސަލްމާނު ވިދާޅުވިއެވެ.
އަދި ސައުދީގެ ސިޔާސަތީ މިއީކަން އެމެރިކާއަށް ވެސް ރަސްމީކޮށް އަންގާފައި ވާނެ ކަމަށް ސައޫދީ ސަރުކާރުން ކުރިން ބުނެފައިވެ އެވެ.
ސައޫދީ އަރަބިއްޔާއިން މިހާތަނަށް އިޒްރޭލާ އެކު ސިޔާސީ ގުޅުން ބާއްވާފައި ނުވެއެވެ. ނަމަވެސް އިޒްރޭލަށް ވާގިވެރިވާ އެމެރިކާގެ ބާރު ސައުދީއަށް އަބަދުވެސް ފޯރަމުން ދާކަމަށާއި ، ފަލަސްތީނުގެ ރައްޔިތުންގެ ހައްގުގައި އެކަށީގެންވާ ވަރަށް ސައުދީއިން މަސައްކަތް ނުކުރާކަމަށް މުސްލިމު ގައުމުތަކުން ދެކެއެވެ.
އިޒްރޭލުން މިހާރުވެސްދަނީ މެދު ކެނޑުމެއްނެތި ފަލަސްތީނުގެ ރައްޔިތުންނަށް ހަމަލާތައް ދެމުންނެވެ. ނަމަވެސް މިކަން ހުއްޓުވުމަށް އެއްވެސް ފިޔަވަޅެއް ސައުދީއަށް މިހާތަނަށް އެޅިފައި ނުވެއެވެ.
މި ލިޔުން ކިޔާލުމުން
