ހުޅުމާލެ ފޭސް 2 ގެ އަމާން އުދަރެސް ޓަވަރަކުން މީހަކު ވެއްޓި ނުރައްކާތެރި ހާދިސާއެއް ހިނގައިފިއެވެ.
ފުލުހުން ބުނި ގޮތުގައި، އަމާން އުދަރެސް 8 ވަނަ ޓަވަރުން މީހަކު ވެއްޓިގެން އުޅޭކަމުގެ ރިޕޯޓު ލިބުމާ ގުޅިގެން ފުލުހުން ދަނީ އެ ސަރަހައްދުގައި ހަރަކާތްތެރިވަމުންނެވެ. މި ހާދިސާގައި ވެއްޓިފައިވަނީ ފިރިހެނެއްކަމަށް މައުލޫމާތު ލިބިފައިވާއިރު، ލިބުނު ބޮޑެތި އަނިޔާތަކާ ގުޅިގެން އޭނާ ވަނީ ނިޔާވެފައެވެ.
އެމީހާ ވެއްޓުނީ ޓަވަރުގެ ކޮން ތަނަކުން ކަމެއް އަދި ސާފުވެފައިނުވާއިރު، ފުލުހުން ދަނީ މި ހާދިސާއާ ގުޅޭ އިތުރު ތަފުސީލުތައް ބަލަމުންނެވެ.
