އީރާނުގެ ބޯޑަރުތަކާ ގާތްގަނޑަކަށް 1،000 ކިލޯމީޓަރު ދުރަށް ފަހަތަށް ޖެހުމަށް އެމެރިކާގެ އަސްކަރިއްޔާއަށް އީރާނުން މަޖުބޫރުކޮށްފައިވާ ކަމަށް، އިސްލާމިކް ރިވަލިއުޝަނަރީ ގާޑް ކޯޕްސް (އައިއާރުޖީސީ) ގެ ޑެޕިއުޓީ ކޮމާންޑަރު ރިއަރ އެޑްމިރަލް އަލީ ފަދަވީ ވިދާޅުވެއްޖެއެވެ.
ޓީވީ އިންޓަވިއުއެއްގައި ވާހަކަދައްކަވަމުން ފަދަވީ ވިދާޅުވީ، އެމެރިކާ ސިފައިން އީރާނުގެ ބޯޑަރާ ދުރަށް ޖެހިލީ އެމީހުންގެ އަމިއްލަ އިޚްތިޔާރުގައި ނޫން ކަމަށާއި، އެއީ އީރާނުގެ އަސްކަރީ ބާރާއި އައިއާރުޖީސީގެ ހައިބަތުގެ ސަބަބުން ކަމަށެވެ.
ތާރީޚުގައި ފުރަތަމަ ފަހަރަށް ގަލްފާއި، ހޮރުމުޒް ކަނޑުއޮޅިއާއި، އޮމާން ކަނޑު އަދި އިންޑިއާ ކަނޑުގެ އުތުރު ސަރަހައްދުގައި އެމެރިކާގެ އެއްވެސް އުޅަނދެއް މިހާރު ނެތް ކަމަށާއި، އެމެރިކާގެ މަނަވަރުތަކަކީ އައިއާރުޖީސީގެ ހަމަލާތަކުން ނުރައްކަލަށް ހުށަހެޅިފައިވާ އުޅަނދުތަކެއް ކަމަށް ފަދަވީ ދައުވާކުރެއްވިއެވެ.
އޭނާ މިހެން ވިދާޅުވެފައިވަނީ އީރާނުގެ ބަނދަރުތައް ވަށައިލުމުގެ އަސްކަރީ ފިޔަވަޅުތައް އެމެރިކާއިން ވަރުގަދަކޮށް، ގަވާއިދުތަކަށް އަމަލުކުރުވުމަށްޓަކައި ޖުލައި މަހުން ފެށިގެން ވިޔަފާރި މުދާ އުފުލާ 125 އުޅަނދެއްގެ މިސްރާބު އެމެރިކާގެ ސެންޓްރަލް ކޮމާންޑުން ބަދަލުކޮށްފައިވާ ދަނޑިވަޅެއްގައެވެ.
