ވަޒީފާއާ ބެހޭ ޓްރައިބިއުނަލްގެ މެންބަރު ފާޠިމަތު ސައުސަން ކުއްލި ގޮތަކަށް ނިޔާވެއްޖެއެވެ.
އެނގިފައިވާ ގޮތުގައި، ގާނޫނީ ވަކީލެއްގެ ގޮތުގައިވެސް މަސައްކަތް ކުރެއްވި ސައުސަން ނިޔާވީ އިންޑިއާއަށް ބޭސްފަރުވާއަށް ގޮސް އުޅުއްވަނިކޮށް މިއަދު ހެނދުނުގެ ވަގުތެއްގައެވެ.
މިކަން ހާމަކުރައްވައި ވަޒީފާއާ ބެހޭ ޓްރައިބިއުނަލްގެ ނައިބު ރައީސް އަޙްމަދު މަމްދޫޙް ކުރެއްވި ޕޯސްޓެއްގައި ވިދާޅުވީ، އެ ޓްރައިބިއުނަލްގެ އިންޑަސްޓްރިއަލް ރިލޭޝަންސް ޑިވިޝަންގެ މެންބަރުގެ މަޤާމުގައި ހުންނެވި ސައުސަން ނިޔާވީ ކުއްލި ގޮތަކަށް ކަމަށެވެ.
ސައުސަން ވަޒީފާއާ ބެހޭ ޓްރައިބިއުނަލްގެ މެންބަރުކަމަށް އައްޔަންކުރެއްވީ 2024 ވަނަ އަހަރުގެ އޭޕްރީލް މަހުއެވެ. އެކަމަނާ ނިޔާވުމާ ގުޅިގެން ޤާނޫނީ ދާއިރާގެ ގިނަ ބޭފުޅުން ދަނީ ތަޢުޒިޔާ ފޮނުވަމުންނެވެ.
