ލަގްޒަރީ ވިލާ ހޮލިޑޭ ސްޕެޝަލިސްޓެއް ކަމަށްވާ "ސީވީ ވިލާސް" އިން ކުރިއަށްގެންދިޔަ ދިރާސާއަކުން އެނގުނު ގޮތުގައި، ދުނިޔޭގެ އެންމެ އަގުބޮޑު 10 ބީޗުގެ ތެރޭގައި އދ. ދިގުރަށުގެ ގޮނޑުދޮށް ވަނީ ހިމެނިފައެވެ. މި ދިރާސާގައި ދިގުރަށު ބީޗަށް ލިބިފައިވަނީ ދުނިޔޭގެ 8 ވަނައެވެ.
ސީވީ ވިލާސްގެ އަންދާސީ ހިސާބުތަކަށް ބަލާއިރު، ދިގުރަށުގައި އޮންނަ ދިގު ދޮންވެލި ތުނޑީގެ މާލީ އަގު އަރަނީ ގާތްގަނޑަކަށް 2.9 ބިލިއަން ރުފިޔާ އަށެވެ.
މި ރޭންކިންގައި ދިގުރަށުގެ ގޮނޑުދޮށް ވަނީ ދުނިޔޭގެ މަޝްހޫރު ބައެއް ބީޗުތަކަށްވުރެ ކުރި ހޯދާފައެވެ. އެގޮތުން ބްރެޒިލްގެ ރިއޯ ދެ ޖަނޭރޯގައި އޮންނަ ކޮޕަކަބާނާ ބީޗާއި، ކޭމަން އައިލެންޑްސްގެ ސެވަން މައިލް ބީޗުވެސް އޮތީ ދިގުރަށުގެ ފަހަތުންނެވެ.
މި ލިސްޓުގެ އެންމެ ކުރީގައި، 1.2 ބިލިއަން ޑޮލަރުގެ އަންދާސީ އަގަކާއެކު އޮތީ އެމެރިކާގެ ފްލޮރިޑާގައި އޮންނަ ސިއެސްޓާ ބީޗެވެ.