މި އެއްބަސްވުމުގެ ދަށުން ބައިނަލްއަގްވާމީ މުދާ އުފުލާ ކޮންޓޭނަރު ބޯޓުފަހަރަށް ޚާއްސަކޮށް، 14.6 މީޓަރުގެ ފުންމިނުގައި 375 މީޓަރުގެ ދިގު ކީ-ވޯލްއެއް ހެދުމުގެ އިތުރުން، ރާއްޖޭގެ އެތެރޭގެ ދަތުރުފަތުރުތަކުގައި ބޭނުންކުރާ މުދާ އުފުލާ އުޅަނދުފަހަރަށް ޚާއްސަކޮށް 5 މީޓަރުގެ ފުންމިނުގައި 820 މީޓަރުގެ ދިގު ޑޮމެސްޓިކް ކީ-ވޯލްއެއް ހެދުމަށް ވަނީ ހަމަޖެހިފައެވެ.
އެމްޕީއެލްއިން ފާހަގަކުރި ގޮތުގައި މިއީ މާލޭ ވިޔަފާރި ބަނދަރު ތިލަފުއްޓަށް ބަދަލުކުރުމަށް ރައީސް ޑރ. މުޙައްމަދު މުޢިއްޒު ވެވަޑައިގެންފައިވާ ރިޔާސީ ވައުދުފުޅު ފުރިހަމަކުރުމަށް ކުރެވޭ މުހިންމު މަސައްކަތެކެވެ.
