މި ހާދިސާއާ ގުޅިގެން ޕާކިސްތާނުގެ ބޮޑުވަޒީރު ޝެހެބާޒް ޝަރީފް ހިތާމަ ފާޅުކުރައްވައި ފަޅުވެރިންގެ އާއިލާތަކަށް ތައުޒިޔާ ފޮނުއްވާފައިވާއިރު، ބޯޓު ހޯދުމުގެ މަސައްކަތުގައި ޕާކިސްތާނު ކަނޑުގެ ސިފައިންގެ މަނަވަރަކާއި، ނެޝަނަލް ޝިޕިން ކޯޕަރޭޝަންގެ ބޯޓެއްގެ އިތުރުން ކަނޑުގެ ސިފައިންގެ ދެ މަތިންދާބޯޓު ދަނީ ހަރަކާތްތެރިވަމުންނެވެ. ނަމަވެސް، މިހާތަނަށް ބޯޓުގެ އެއްވެސް ބައެއް ނުވަތަ ދަތުރުކުރި މީހެއްގެ ހަބަރެއް ވެފައެއް ނުވެއެވެ.
ގެއްލުނު ބޯޓަކީ ކޭ2 އެއާވޭޒްގެ ފްލީޓުގައި އޮތް ހަމައެކަނި ބޯޓެވެ. 1999 ވަނަ އަހަރު ރަޝިޔާގައި ފަސިންޖަރުން އުފުލަން ފެށި މި ބޯޓު، މަރާމާތަށްފަހު ކާގޯ ބޯޓެއްގެ ގޮތުގައި އެ ކުންފުނިން ބޭނުންކުރަން ފެށީ 2024 ވަނަ އަހަރުގެ ޑިސެމްބަރު މަހުއެވެ. މި ހާދިސާގައި ބޯޓު ވެއްޓި މީހުން މަރުވިކަން ކަށަވަރުވެއްޖެނަމަ، މިއީ 2020 ވަނަ އަހަރު 97 މީހުން މަރުވި ޕީއައިއޭގެ ބޯޓު ވެއްޓުމުގެ ހާދިސާއަށްފަހު، ޕާކިސްތާނުގައި ހިނގި ފުރަތަމަ ބޮޑު މަދަނީ ވައިގެ ހާދިސާއަށް ވެގެންދާނެއެވެ.
