އީރާނާއެކު ވެފައިވާ ހަމަލާބަދަލުކުރުން ހުއްޓާލުމުގެ އެއްބަސްވުން މިހާރު ނިމިފައިވާ ކަމަށާއި، ތެހެރާނާއެކު މުއާމަލާތް ކުރުމަކީ ވަގުތު ބޭކާރުކުރުމެއް ކަމަށް އެމެރިކާގެ ރައީސް ޑޮނަލްޑް ޓްރަމްޕް ވިދާޅުވެއްޖެއެވެ. ޓްރަމްޕް މިހެން ވިދާޅުވެފައިވަނީ ހޮރްމޫޒް ކަނޑުއޮޅިން ދަތުރުކުރި ގަތަރާއި ސައުދީ އަރަބިއްޔާގެ ތެޔޮުޓޭންކަރުތައް ހިމެނޭހެން ތިން އުޅަނދަކަށް ދިން ހަމަލާތަކާ ގުޅިގެން، އެމެރިކާއިން އީރާނަށް ވަރުގަދަ ހަމަލާތަކެއް ދީފައިވާ ކަމަށް ބުނެފައިވާ ދަނޑިވަޅެއްގައެވެ.
ނޭޓޯ ސަމިޓުގައި ނޫސްވެރިންނާ ވާހަކަދައްކަވަމުން ޓްރަމްޕް ވަނީ އީރާނުގެ ލީޑަޝިޕަށް ވަރަށް ހަރުކަށި ބަސްމަގެއް ބޭނުންކުރައްވާފައެވެ. "އެމީހުންގެ ކިބައިގައި ކޮންމެވެސް މައްސަލައެއް އެބައުޅޭ. އެއީ ބަލިމަޑުބައެއް. އެއީ ނުބައި ބައެއް. އެއީ މަކަރުވެރި ބައެއް،" ޓްރަމްޕް ވިދާޅުވިއެވެ. މީގެ އިތުރުން އީރާނާއެކު ވެފައިވާ އެއްބަސްވުން ނިމިފައިވާ ކަމަށް ގަބޫލުކުރައްވާ ކަމަށްވެސް އެމަނިކުފާނު ފާހަގަކުރެއްވިއެވެ.
މި ސަމިޓުގައި ޓްރަމްޕް ވަނީ އެމެރިކާއިން އީރާނާއެކު ކުރަމުންދާ ހަނގުރާމައިގައި ނޭޓޯގެ މެންބަރު ގައުމުތަކުން އެކަށީގެންވާ އެއްބާރުލުން ނުދޭ ކަމަށް ވިދާޅުވެ، އެ ގައުމުތަކަށް ވަރަށް ބޮޑަށް ފާޑުވިދާޅުވެފައެވެ. ނޭޓޯގެ ވެރިޔާ ރޫޓާ ވިދާޅުވީ ޔޫރަޕްގެ އެއާޕޯޓްތަކުން 5,000 ބޯޓު އެމެރިކާއަށް އެހީވުމަށް ފުރަމުންދާ ކަމަށެވެ. ނަމަވެސް ޓްރަމްޕް ވަނީ އެކަމަށް ރައްދު ދެއްވައި، އިނގިރޭސިވިލާތުން އަސްކަރީ މަރުކަޒުތައް ބޭނުންކުރުމުގެ ހުއްދަ ނުދޭ ކަމަށާއި އިޓަލީއަކީ ބޭސްތައް ދިނުމުގައި ވަރަށް ދެރަ ގައުމެއް ކަމަށް ވިދާޅުވެފައެވެ.
އީރާނަށް ދިން ހަމަލާތަކާ ގުޅޭގޮތުން ވާހަކަދައްކަވަމުން ޓްރަމްޕް ވިދާޅުވީ، އީރާނުން ހަމަލާދޭ ކޮންމެ ފަހަރަކު އެމެރިކާއިން ރައްދު ހަމަލާދޭނެ ކަމަށެވެ. "މިއީ އީރާނުގެ ނިއުކްލިއާ ބާރު ނައްތާލުން. އަހަރެމެން އެ ގައުމުން ނިއުކްލިއާ އެއްކޮށް ނައްތާލާނަން،" ޓްރަމްޕް ވިދާޅުވިއެވެ. އޭނާ އިތުރަށް ވިދާޅުވީ އީރާނަކީ ޓެރަރިޒަމަށް އެންމެ ބޮޑަށް ވާގިވެރިވާ ގައުމު ކަމަށާއި، އެ ގައުމާ ދެކޮޅަށް އެހީތެރިވާން ނޭޓޯއިން ބޭނުންނުވުމުން ހިތްހަމަނުޖެހޭ ކަމަށެވެ.
މި ހަރުކަށި ބަސްމަގާއެކުވެސް، ޓްރަމްޕް ވަނީ އޭނާގެ މަޝްވަރާވެރިންނަށް ވާހަކަދެއްކުން ކުރިއަށް ގެންދަން ފުރުސަތު ދީފާނެ ކަމަށް ވިދާޅުވެފައެވެ. މިއީ ހަމައެކަނި އީރާނަށް އިންޒާރު ދިނުމުގެ އުކުޅެއްތޯ ނުވަތަ ހަގީގަތުގައިވެސް އެމް.އޯ.ޔޫ އުވާލައްވަނީތޯ މިހާރު ވަނީ ސުވާލު އުފެދިފައެވެ