މި ބައްދަލުކުރެއްވުމާ ގުޅޭގޮތުން ސަފީރު މަޚްލޫފް ވިދާޅުވީ، ދެ ޤައުމުގެ ދެމެދުގައި ފަތުރުވެރިކަމުގެ ދާއިރާއިން ގުޅުން ބަދަހިކުރުމުގެ އިތުރުން، ޖަޕާނުގައި ރާއްޖެ އިޝްތިހާރު ކުރުމާއި، ދެ ޤައުމުގެ ޓްރެވަލް އެޖެންޓުންގެ މެދުގައި އޮންނަ ގުޅުން ބަދަހިކުރުމަށް ޖާޓާގެ އެހީތެރިކަމާއެކު ކުރެވިދާނެ ކަންކަމާ މެދު ފުޅާދާއިރާއެއްގައި ވާހަކަދެކެވުނު ކަމަށެވެ. އަދި މި މަޝްވަރާތަކުގެ ސަބަބުން ދެ ޤައުމުގެ ފަތުރުވެރިކަމުގެ ގުޅުން އިތުރަށް ވަރުގަދަވެގެންދާނެ ކަމަށް އުއްމީދުކުރައްވާ ކަމަށްވެސް މަޚްލޫފް ވިދާޅުވިއެވެ.
ފަތުރުވެރިކަމާ ބެހޭ ވުޒާރާގެ ތަފާސްހިސާބުތައް ދައްކާގޮތުން، މިއަހަރުގެ މެއި މަހުގެ ނިޔަލަށް ޖަޕާނުން ރާއްޖެއަށް 16،000 އަށްވުރެ ގިނަ ފަތުރުވެރިން ވަނީ ޒިޔާރަތްކޮށްފައެވެ.
