ތަކަންދޫގައި ބެހެއްޓި އައު ޖެންސެޓް ބޭނުންކުރަން ފަށައިފި

ހއ. ތަކަންދޫއަށް ދިމާވެފައިވާ ކަރަންޓުގެ މައްސަލަ ޙައްލު ކުރުމަށްޓަކައި އެރަށަށް ގެންދިޔަ އައު ޖެންސްޓް އިންސްޓޯލް ކުރުމަށްފަހު، ޚިދުމަތް ދޭން ފަށާފައިވާ ކަމަށް ފެނަކަ ކޯޕަރޭޝަނުން ވިދާޅުވެއްޖެއެވެ. ކަރަންޓުގެ މައްސަލައަކީ، އަތޮޅުތެރޭގެ ބައެއް ރަށްރަށަށް ދިމާވެފައިވާ ބޮޑު މައްސަލައެކެވެ. މި މައްސަލަ ޙައްލު ކުރުމަށް ސަރުކާރުންވެސް އަންނަނީ، މުހިންމު މަސައްކަތްތަކެއް ކުރަމުންނެވެ. އެގޮތުން އާބާދީ ކުޑަ ރަށްރަށާއި، އާބާދީ ބޮޑު ސިޓީތަކުގައިވެސް ކަރަންޓު ކެޕޭސިޓީ އިތުރު ކުރުމަށް ސަރުކާރުން އަންނަނީ، މުހިންމު މަސައްކަތްތަކެއް ކުރަމުންނެވެ.

ހއ. ތަކަންދޫގެ ކަރަންޓުގެ ޚިދުމަތް ރަނގަޅު ކުރުމަށްޓަކައި ގެނައި އައު ޖެންސެޓް މިހާރު ވަނީ އިންސްޓޯލުކޮށް ނިމި، ޚިދުމަތް ދޭން ފަށާފައި#TeamFenaka pic.twitter.com/9s1gDck5hL

— Fenaka Corporation Ltd (@TeamFenaka) April 17, 2026

ތަކަންދޫގައި އިންސްޓޯލް ކުރީ 250 ކިލޯވޮޓުގެ އައު ޖެން ސެޓެކެވެ. މި ޖެން ސެޓްއާއެކު ތަކަންދޫއަށް ދިމާވެފައިވާ ކަރަންޓުގެ މައްސަލައަށް ހައްލެއް ލިބިގެންދާނެކަމަށް ފެނަކައިން ގަބޫލުކުރެ އެވެ.

ކަރަންޓު މައްސަލައަކީ ރާއްޖޭގެ ގިނަ ރަށްރަށަށް ދިމާވަމުން އަންނަ މައްސަލައެކެވެ. މި މައްސަލަ ހައްލު ކުރުމަށްޓަކައި ސަރުކާރުން އަންނަނީ ގިނަ މަސައްކަތްތަކެއް ކުރަމުންނެވެ.