މަސްތުވާތަކެއްޗާއެކު ހއ.ބާރަށުން މީހަކު ހައްޔަރުކޮށްފިއެވެ.
މި މައްސަލަ އާ ގުޅިގެން ހައްޔަރުކޮށްފައި ވަނީ ހއ.ބާރަށް / ކުއްޅަވައްގެ ، ޝަރަފުއްދީން ، (45އ) އެވެ.
Advertisement
ފުލުހުން ބުނީ މަސްތުވާތަކެތި ގެންގުޅެ އެތަކެތި ބޭނުންކޮށް އަދި އެތަކެތި ވިއްކާ ވިޔަފާރިކުރާކަމުގެ ތުހުމަތުގައި މި މަހު 7 ވަނަ ދުވަހު ބާރަށު ޕޮލިހުން ހިންގި އޮޕަރޭޝަން ގައި ޝަރަފުއްދީން ހުއްޓުވައި ބަލައި ފާސްކުރިއިރު މަސްތުވާތަކެތިކަމަށް ޝައްކުކުރެވޭ އެއްޗެއް ހުރި ރަބަރު ޕެކެޓަކާއި 26 ކަރުދާސްކޮޅު ފެނިފައިވާ ކަމަށާއި، މިތަކެތީގެ ވަގުތީ ބަރުދަނަކީ 4 ގުރާމް ކަމަށެވެ.
އަދި މި މައްސަލަ އާ ގުޅިގެން އޭނާގެ ބަންދަށް ކޯޓުން 15 ދުވަސް ޖަހާފައިވާ ކަމަށްވެސް ފުލުހުން ބުންޏެވެ.
މި މައްސަލަ ފުލުހުން ގެންދަނީ ތަހުގީގު ކުރަމުންނެވެ.
