މަދަނީ ކަންކަމުގައި ޒުވާނުންގެ ދައުރު ފުޅާކުރުމާއި، މުޖުތަމައުގެ ކަންކަމުގައި އަމަލީގޮތުން ބައިވެރިވުމާ ގުޅޭގޮތުން މަޝްވަރާކުރުމަށް ބާއްވާ "ޒުވާނުންގެ ސައްލާ" ގައި ބައިވެރިވުމުގެ ފުރުސަތު ހުޅުވާލައިފިއެވެ.
މި ޑައިލޮގް ސެޝަން އޮންނާނީ 4 މާރިޗު 2026 ވާ ބުދަ ދުވަހުގެ ރޭ 21:00 ގައި ޔޫތު ހަބްގައެވެ.
Advertisement
ޔޫތު މިނިސްޓްރީން ބުނީ މި ބައްދަލުވުމުގެ މައިގަނޑު މަގްސަދަކީ ޒުވާނުންގެ މެދުގައި އޮންނަ ގުޅުން ބަދަހިކުރުމާއި، ގައުމީ އަދި އިޖުތިމާއީ ކަންކަމުގައި ޒުވާނުންގެ ހިޔާލާއި މަޝްވަރާ ހޯދުން ކަމަށެވެ.
މި ސައްލާގައި ބައިވެރިވާން އެދޭ ޒުވާނުންނަށް މިހާރު ރަޖިސްޓްރީވުމުގެ ފުރުސަތު ހުޅުވާލާފައިވާއިރު، ބައިވެރިވުމަށް ޝައުގުވެރިވާ ފަރާތްތަކުން އެކަމަށް ހާއްސަކޮށްފައިވާ ކިއުއާރް ކޯޑު ސްކޭންކޮށްގެން ރަޖިސްޓްރީ ކުރެއްވޭނެ ކަމަށް އެ މިނިސްޓްރީން ބުނެއެވެ.
