ޕީއެންސީގެ ގަލޮޅު ދެކުނު ދާއިރާގެ ކެމްޕެއިން ޖަގަހަ މާދަމާ ހުޅުވަނީ

ކުރިއަށް އޮތް ލޯކަލް ކައުންސިލްތަކުގެ އިންތިޚާބާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީތަކުގެ އިންތިޚާބަށް ޚާއްޞަކޮށް ވެރިކަން ކުރާ ޕީޕަލްސް ނޭޝަނަލް ކޮންގްރެސް (ޕީއެންސީ) އިން ގަލޮޅު ދެކުނު ދާއިރާގައި ޤާއިމްކުރާ ކެމްޕެއިން ޖަގަހަ މާދަމާ ހުޅުވުމަށް ތައްޔާރުވެއްޖެއެވެ. ޕީއެންސީން މިއަދު ހާމަކުރި ގޮތުގައި މި ޖަގަހަ ހުޅުވުމުގެ ރަސްމިއްޔާތު އޮންނާނީ 22 ފެބުރުވަރީ 2026 ގެ 21:30 ގައި، ގ. ގަންގެހި (ލޮނުޒިޔާރަތް މަގު، އިލާލާ ފިހާރަ ކުރިމަތީ) ގައެވެ.

ގަލޮޅު ދެކުނު ދާއިރާގެ ކެންޕެއިން ޖަގަހަ ރަސްމީކޮށް ހުޅުއްވައި ދެއްވުން މާދަމާރޭ (22 ފެބުރުއަރީ 2026 ވާ އާދީއްތަ ދުވަހުގެރޭ) 21:30 ގައި، ގ. ގަންގެހި (ލޮނުޒިޔާރަތް މަގު، އިލާލާ ފިހާރަ ކުރިމަތީގައި) އޮންނާނެ . މި ޖަގަހަ ރަސްމީކޮށް އިފްތިތާޙު ކޮށްދެއްވާނީ ދިވެހިރާއްޖޭގެ ޢިއްޒަތްތެރި… pic.twitter.com/wyT2g8Wb6k

— PNC Secretariat (@pnc_secretariat) February 21, 2026

އަދި މި ޖަގަހަ ރަސްމީކޮށް އިފްތިތާޙު ކޮށްދެއްވާނީ ރައީސުލްޖުމްހޫރިއްޔާގެ އަނބިކަނބަލުން މެޑަމް ސާޖިދާ މުޙައްމަދެވެ. ޕީއެންސީން ވަނީ މި ރަސްމިއްޔާތުގައި ބައިވެރިވުމަށް އެ ޕާޓީގެ މެންބަރުންނާއި އެ ޕާޓީއަށް ތާއީދުކުރާ ހުރިހާ ފަރާތްތަކަށްވެސް ދަޢުވަތު އަރުވައިފައެވެ. ލޯކަލް ކައުންސިލްތަކުގެ އިންތިޚާބާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީތަކުގެ އިންތިޚާބު އޮންނާނީ 4 އެޕްރީލް 2026 ގައެވެ.