އިންޑިއާގެ ޤައުމީ އެއާލައިން، އެއާ އިންޑިއާއިން ރާއްޖެއަށް ދަތުރުތައް ފެށިތާ 50 އަހަރު ފުރުން ފާހަގަކޮށްފިއެވެ.
މިގޮތުން މި މުނާސަބަތާ ގުޅިގެން މިއަދު ވެލާނާ އިންޓަރނޭޝަނަލް އެއާޕޯޓު (ވީއައިއޭ) އަށް ޖެއްސި އެއާ އިންޑިއާގެ ފްލައިޓަށް ވަނީ ވޯޓަރ ސެލިއުޓަކުން ހޫނު މަރުޙަބާއެއް ކިޔައިފައެވެ.
Air India today marked the 50th anniversary of its operations to the Maldives, with flight AI2239 welcomed by a ceremonial water salute and special gestures of appreciation for arriving passengers. pic.twitter.com/HNXWDBXTTv
— Maldives Airports Company Ltd (@MACLmedia) February 21, 2026
އަދި މި ފްލައިޓުން ރާއްޖެ އައި ހުރިހާ ފަސިންޖަރުންނަށް ފިނިފެންމަލަކާއި ކުކީސް ވަނީ ހަދިޔާކޮށްފައެވެ.
21 ފެބުރުވަރީ 1976 ގައި ރާއްޖެއަށް ދަތުރުތައް ފެށި އެއާ އިންޑިއާ އަކީ ރާއްޖެއަށް ދަތުރުކުރަން ފެށި އިންޑިއާގެ ފުރަތަމަ އެއާލައިނެވެ.
މިހާރު އެއާ އިންޑިއާގެ އިތުރުން އެ ޤައުމުގެ އެހެނިހެން ބައެއް އެއާލައިންތަކުންވެސް ރާއްޖެއަށް ދަތުރު ކުރެއެވެ.
