މޯދީގެ ހާއްސަ މަންދޫބެއްގެ ގޮތުގައި އިންޑިއާގެ ސިވިލް އޭވިއޭޝަން މިނިސްޓަރު ރާއްޖެ ވަޑައިގެންފި

މޯދީގެ ޚާއްޞަ މަންދޫބެއްގެ ގޮތުގައި އިންޑިއާގެ ސިވިލް އޭވިއޭޝަން މިނިސްޓަރު ކިންޖަރަޕޫ ރާމް މޯހަން ނައިޑޫ ރާއްޖެ ވަޑައިގެންފިއެވެ. ފޮރިން މިނިސްޓްރީން މިއަދު ވިދާޅުވީ އިންޑިޔާގެ ބޮޑުވަޒީރު ނަރެންދުރަ މޯދީ ގެ ޚާއްޞަ މަންދޫނެއްގެ ގޮތުގައި އިންޑިއާގެ ސިވިލް އޭވިއޭޝަން މިނިސްޓަރު ރާއްޖެ ވަޑައިގެންފައިވާ ކަމަށެވެ. އެމަނިކުފާނަށް ވެލާނާ އިންޓަނޭޝަނަލް އެއާޕޯޓުން މަރުޙަބާ ދެންނެވީ ފޮރިން މިނިސްޓަރ އަބުދުﷲ ޚަލީލްއެވެ.

Special Envoy of the Prime Minister of India, Minister of Civil Aviation H.E Kinjarapu Ram Mohan Naidu @RamMNK has arrived in Maldives on an official visit. He was received at the airport by Minister of Foreign Affairs, Dr. Abdulla Khaleel @abkhaleel @MoCA_GoI @HCIMaldives pic.twitter.com/km9lWnSAim

— Ministry of Foreign Affairs 🇲🇻 (@MoFAmv) November 9, 2025

އިންޑިއާގެ ސިވިލް އޭވިއޭޝަން މިނިސްޓަރު ކިންޖަރަޕޫ ރާމް މޯހަން ނައިޑޫ ރާއްޖެ ވަޑައިގެންފައި މިވަނީ ހދ. ހަނިމާދޫ އެއާޕޯޓް އަލުން ތަރައްޤީކޮށް މިރޭ ހުޅުވާ ރަސްމިއްޔާތު ބާއްވާ ދަނޑިވަޅެއްގައެވެ. އެހެން ނަމަވެސް މޯދީގެ ޚާއްޞަ މަންދޫބެއްގެ ގޮތުގައި އިންޑިއާގެ ސިވިލް އޭވިއޭޝަން މިނިސްޓަރު ކިންޖަރަޕޫ ރާމް މޯހަން ނައިޑޫ ރާއްޖެވަޑައިގެންނެވި ދަތުރުފުޅުގެ ތަފްޞީލެއް ފޮރިން މިނިސްޓްރީން ހާމައެއް ނުކުރައްވައެވެ. ހަނިމާދޫ އެއާޕޯޓަކީ އިންޑިއާގެ ލޯނު އެހީގައި ހަދަމުން ބިޔަ މަޝްރޫޢެކެވެ.