5 މިލިއަން ގަސް މަޝްރޫޢު: ރަތަފަންދޫގައި ގަސް އިންދުމުގެ ހަރަކާތެއް ހިންގައިފި

"5 މިލިއަން ގަސް އިންދުމުގެ ގައުމީ މަޝްރޫޢު"ގެ ދަށުން ގދ. ރަތަފަންދޫއަށް ހަދިޔާ ކުރެވުނު ގަސްތައް އިންދުމުގެ ޙަރަކާތެއް މިއަދު އެރަށުގައި ހިންގައިފިއެވެ. ފަތުރުވެރިކަމާއި ތިމާވެށްޓާ ބެހޭ ވުޒާރާއިން ބުނީ މިއީ ރަތަފަންދޫ ކައުންސިލާއި، ރަށުގެ ސަރުކާރުގެ މުއައްސަސާތަކުގެ އިތުރުން ރަށު ރައްޔިތުން ގުޅިގެން ކުރިއަށް ގެންދިޔަ ހަރަކާތެއް ކަމަށާއި، މި ހަރަކާތުގެ ތެރެއިން ރަށުގެ އެކި ސަރަހައްދުތަކުގައި ތަފާތު ވައްތަރުގެ ގަސްތައް އިންދާފައިވާ ކަމަށެވެ.

5 މިލިއަން ގަސް އިންދުމުގެ މަޝްރުޢޫގެ ފަރާތުން ގދ ރަތަފަންދޫއަށް ހަދިޔާ ކުރެވުނު ގަސްތައް އިންދުމުގެ ޙަރަކާތެއް މިއަދު ވަނީ ކުރިއަށް ގެންގޮސްފައެވެ.#5MillionTreesMv pic.twitter.com/JPvhRyHsqk

— Ministry of Tourism and Environment (@MoTmv) October 16, 2025

އެ ވުޒާރާއިން ބުނީ މި މަޝްރޫޢުގެ މައިގަނޑު މަޤުޞަދަކީ ދިވެހިރާއްޖޭގެ ތިމާވެށި ރައްކާތެރިކޮށް، ޤުދުރަތީ ރީތިކަން ދެމެހެއްޓުމަށް މަގުފަހިކުރުން ކަމަށާއި، ރަށްތަކުގެ ހިތްފަސޭހަކަން އިތުރުކޮށް، ތިމާވެށީގެ ގޮތުން ދިމާވާ ގޮންޖެހުންތަކަށް ހައްލު ހޯދުމަށްވެސް މި މަޝްރޫޢުގެ ދަށުން މަސައްކަތް ކުރަމުންދާ ކަމަށެވެ.