ރާއްޖޭގެ ރަށްރަށުގައި ފެނާއި ނަރުދަމާގެ ޚިދުމަތް ދެމުންގެންދާ ކައުންސިލްތަކާއި އިދާރާތަކަށް އެހީތެރިވުމުގެ ގޮތުން، ފަތުރުވެރިކަމާއި ތިމާވެށްޓާ ބެހޭ ވުޒާރާއިން ފެނާއި ނަރުދަމާގެ ރައްކާތެރިކަމުގެ ރާވަޑިއާއި ރިޕޯޓު ފޯމެޓުތަކެއް ތައާރަފްކޮށްފިއެވެ.
އެ ވުޒާރާއިން ބުނީ މި ގައިޑްބުކްތަކާއި ރިޕޯޓު ފޯމެޓުތަކުގެ އެހީގައި، ފެނާއި ނަރުދަމާގެ މުހިންމު ނިޒާމުތަކަށް ކުރިމަތިވެދާނެ ނުރައްކާތައް ދެނެގަނެ، އެ ނުރައްކާތައް ބެލެހެއްޓުމަށާއި، ކުރިއާލާ ރައްކާތެރިކަމުގެ ފިޔަވަޅުތައް އެޅުމަށް ވަރަށް ބޮޑު އެހީއަކަށް ވެގެންދާނެ ކަމަށެވެ.
ފަތުރުވެރިކަމާއި ތިމާވެށްޓާ ބެހޭ ވުޒާރާއިން ހާމަކުރި ގޮތުގައި މި އިސްނެގުމުގެ މައިގަނޑު މަޤްޞަދަކީ، ދިވެހިރާއްޖޭގެ ޖަޒީރާވަންތަ ރަށްތަކުގައި ފެނާއި ނަރުދަމާގެ ޚިދުމަތްތައް ދެމެހެއްޓެނިވި ގޮތަކަށް ފޯރުކޮށްދިނުމަށް އެހީތެރިވުމެވެ. ރާއްޖޭގެ ތިމާވެށީގެ ހާލަތާއި، ގުދުރަތީ ކާރިސާތަކުގެ ސަބަބުން މިފަދަ ނިޒާމުތަކަށް ގެއްލުންވުމުގެ ފުރުސަތު ބޮޑުވާއިރު، މި ގައިޑްބުކްތަކުން އެފަދަ ހާލަތްތަކުން ސަލާމަތްވުމަށް ބޭނުންވާ މަޢުލޫމާތާއި އިރުޝާދު ދޭނެ ކަމަށްވެސް އެ ވުޒާރާއިން ބުންޏެވެ.
މީގެ އިތުރުން، ރަށްރަށުގެ ކައުންސިލްތަކާއި، ފެނާއި ނަރުދަމާގެ ޚިދުމަތްދޭ ކުންފުނިތަކަށް މި ތަކެތި ފޯރުކޮށްދިނުމުން، އެބޭފުޅުންނަށް ފަސޭހައިން ތިމާގެ ނިޒާމުތައް ވަޒަންކޮށް، ދިމާވެދާނެ ގޮންޖެހުންތަކަށް ތައްޔާރުވެ، އެކަންކަން ހައްލުކުރުމަށް މަސައްކަތްކުރެވޭނެއެވެ.
އަދި މިކަމުގެ ސަބަބުން ރައްޔިތުންނަށް ދެމުންގެންދާ ފެނާއި ނަރުދަމާގެ ޚިދުމަތްތައް މެދުނުކެނޑި، ރައްކާތެރިކަމާއެކު ދެމެހެއްޓުމަށް މަގުފަހިވެގެންދާނެ ކަމަށްވެސް އެ ވުޒާރާއިން ވަނީ ބުނެފައެވެ.
