އައްޑޫ ސިޓީ ހުޅުމީދޫ އިކޯރ ގާޑަން ސަރަހައްދުގެ ވަލުތެރޭގައި ރޯވި އަލިފާން، އެމްއެންޑީއެފް ސަދަން އޭރިއާ ކޮމާންޑް، ހުޅުމީދޫ ފަޔަރ ސްޓޭޝަނުން ނިއްވައިލައިފިއެވެ.
އެމްއެންޑީއެފުން ބުނީ މި ހާދިސާގެ މަޢުލޫމާތު ލިބިފައިވަނީ މިއަދު 10:37 ހާއިރު ކަމަށާއި، އެމްއެންޑީއެފް ސަދަން އޭރިއާ ކޮމާންޑް، ހުޅުމީދޫ ފަޔަރ ސްޓޭޝަނުގެ ފަޔަރފައިޓަރުން ކުރި މަސައްކަތުން އަލިފާންގަނޑު ނިއްވާލެވުނީ މިރޭ 7:05 ހާއިރު ކަމަށެވެ.
Advertisement
އިއްޔެގެ ވަގުތެއްގައި މި ސަރަހައްދުގެ މީދޫ ފަޅީގައި އަލިފާން ރޯވެގެން އަލިފާން ނިއްވާލާފައިވާ އިރު، މިއަދު އަލިފާން ރޯވީ މި ސަރަހައްދުގެ ހުޅުދޫއާ ވީ ފަޅީގައި ކަމަށް އެމްއެންޑީއެފުން ބުންޏެވެ.
އެމްއެންޑީއެފުން ބުނީ މި ހާދިސާގައި އެއްވެސް މީހަކަށް އަނިޔާއެއް ލިބިފައެއް ނުވާ ކަމަށެވެ.
