މިރޭގެ މުޒާހަރާގެ ބޭނުމަކީ ޤައުމުގެ އަމަން އަމާންކަން ނަގާލައި ސަރުކާރުން ރައްޔިތުންގެ ފުދުންތެރިކަމަށް ކުރަމުންދާ އެންމެހާ ކަންކަން ހުއްޓުވާލައި އިޤުތިޞާދު އިނދަޖެއްސުން ކަމަށް އިމާރާތްކުރުމާއި ގެދޮރުވެރިކަމާއި ބިނާރާ ބެހޭ ވަޒީރު، ޑރ. ޢަބްދުﷲ މުއްޠަލިބް ވިދާޅުވެއްޖެއެވެ.
ވަޒީރު މިހެން ވިދާޅުވީ އިދިކޮޅު އެމްޑީޕީން މިރޭ ކުރާ މުޒާހަރާއާ ގުޅިގެން އެކްސްގައި ކުރެއްވި ޕޯސްޓެއްގައެވެ.
މިރޭ ކުރަން އުޅޭ މުޒާހަރާގެ ބޭނުމަކީ ޤައުމުގެ އަމަން އަމާންކަން ނަގާލައި ސަރުކާރުން ރައްޔިތުންގެ ފުދުންތެރިކަމަށް ކުރަމުންދާ އެންމެހާ ކަންކަން ހުއްޓުވާލައި އިޤުތިޞާދު އިނދަޖެއްސުން. ދިވެހިރާއްޖެއަކީ ތަރައްޤީވެފައިވާ އަދި ހަމަޖެހުން ޤާއިމްވެފައިވާ ޤައުމެއްނޫންކަން ދެއްކުމަށް… pic.twitter.com/lBznTvFJjR
— Abdulla Muththalib (@muththo) October 3, 2025
މިގޮތުން ވަޒީރު އިތުރަށް ވިދާޅުވީ މި މުޒާހަރާގެ ބޭނުމަކީ ދިވެހިރާއްޖެއަކީ ތަރައްޤީވެފައިވާ އަދި ހަމަޖެހުން ޤާއިމްވެފައިވާ ޤައުމެއް ނޫންކަން ދެއްކުމަށް ބޭރުގެ ފަރާތްތަކަކާ ގުޅިގެން ކުރާ މަސައްކަތުގައި ދިވެހިން ގުނބޯ ހައްދައިގެން ބައިވެރިކުރުން ކަމަށާއި، ބޭރުގެ އިންވެސްޓަރުން މިޤައުމަށް އައުމަށް ފަސްޖެހޭ ފަދަ ނުތަނަވަސް މާޙައުލެއް އޮތްކަމަށް ދައްކަން މަސައްކަތް ކުރުން ކަމަށެވެ.
ވަޒީރު ވިދާޅުވީ މިއީ ޤައުމަށް ހެޔޮއެދޭ ބަޔަކު ކުރާނެ އަދި ބައިވެރިވާނެ ކަމެއްނޫން ކަމަށެވެ.
