ރ. އަތޮޅު ކައުންސިލްގެ މެންބަރުން މޯލްޑިވްސް އިމިގްރޭޝަންގެ އިސްވެރިންނާ ބައްދަލުކުރައްވައިފިއެވެ.
އިމިގްރޭޝަނުން ހާމަކޮށްފައިވާ ގޮތުގައި މި ބައްދަލުވުމުގައި ކައުންސިލްގެ ހުރި ކަންބޮޑުވުންތައް ވަނީ އެ އިދާރާއާ ހިއްސާކުރައްވައިފައެވެ.
Members of Raa Atoll Council met with Maldives Immigration to raise key concerns, including the rising issue of illegal migrants, expatriates operating unauthorized businesses, and the need to expand immigration services in the atoll. The meeting focused on exploring… pic.twitter.com/FR4zPqlXNb
— Maldives Immigration (@ImmigrationMV) October 3, 2025
މިގޮތުން ރ. އަތޮޅުގައި ގަވާއިދާ ޚިލާފަށް އުޅޭ ބިދޭސީން އިތުރުވަމުންދާ މައްސަލައާއި، ބިދޭސީން ގަވާއިދާ ޚިލާފަށް ވިޔަފާރިކުރަމުންދާ މައްސަލައިގެ އިތުރުން އެ އަތޮޅުގައި އިމިގްރޭޝަންގެ ޚިދުމަތްތައް އިތުރަށް ފުޅާކުރުމުގެ ބޭނުން ބޮޑުކަން ކައުންސިލުން ވަނީ ހިއްސާކުރައްވައިފައެވެ.
މި ބައްދަލުވުމުގައި ވަނީ އިމިގްރޭޝަނާއި އަތޮޅު ކައުންސިލުން ގުޅިގެން މި މައްސަލަތައް ހައްލުކުރުމަށް ކުރެވިދާނެ ކަންތައްތަކާ ގުޅޭގޮތުން މަޝްވަރާކުރައްވައިފައެވެ.
މި ބައްދަލުވުމުގައި އިމިގްރޭޝަންގެ ކޮންޓްރޯލަރ ޖެނެރަލް، ސީޕީ (ރިޓަޔަރޑް) އަޙްމަދު ފަސީޙް ވެސް ބައިވެރިވެވަޑައިގެންނެވިއެވެ.
