ދުންފަތުގެ އިސްތިޢުމާލުކުރުން މަދުކޮށް މުޖުތަމަޢު ހޭލުންތެރިކުރުމަށް ސިޓީސް މިނިސްޓްރީ އާއި އެޗްޕީއޭ އިން މަޝްވަރާކޮށްފިއެވެ.
އެޗްޕީއޭ އިން މައުލޫމާތު ދިންގޮތުގައި މިއީ ރައީސުލްޖުމްހޫރިއްޔާގެ ވަޢުދުފުޅުގެ ތެރޭގައި ހިމެނޭ ދުންފަތުގެ އިސްތިޢުމާލުކުރުން މަދުކުރުމަށް، މުޖުތަމަޢު ހޭލުންތެރިކޮށް، ތަންފީޒުކުރުމުގައި ސިޓީ ކައުންސިލުތަކާއި، އަތޮޅު ކައުންސިލުތަކާއި އަދި ރަށު ކައުންސިލްތަކުގެ ދައުރު އިތުރުކުރުމަށް ކުރެވިދާނެ ކަންކަމާ މެދު މަޝްވަރާކުރުމަށް ބޭއްވި ބައްދަލުވުމެކެވެ.
މިނިސްޓްރީގެ ފަރާތުން ހެލްތު ޕްރޮޓެކްޝަން އެޖެންސީއާއެކު ބޭއްވި ބައްދަލުވުން.
މިއަދު މިނިސްޓްރީގައި އޮތް މި ބައްދަލުވުމުގައި ރައީސުލްޖުމްހޫރިއްޔާގެ ވަޢުދުފުޅުގެތެރޭގައި ހިމެނޭ، ދުންފަތުގެ އިސްތިޢުމާލުކުރުން މަދުކުރުމަށް، ހޭލުންތެރިކުރުވުމާއި، ތަންފީޒުކުރުމުގައި ސިޓީ… pic.twitter.com/PyMfkeyPXH— Ministry of Cities, Local Government, Public Works (@MoCLPmv) September 28, 2025
ދުންފަތުގެ އިސްތިޢުމާލުކުރަމުން އަންނަ ފަރާތްތައް މަދުކޮށް، ދުންފަތުގެ ނުރައްކަލުން ދިވެހި ރައްޔިތުން ސަލާމަތްކުރުމަކީ ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒުގެ ޚާއްޞަ ވަޢުފުޅުތަކުގެ ތެރޭގައި ހިމެނޭ ވަޢުދުފުޅެވެ.
މިނިސްޓަރ އޮފް ސްޓޭޓް މުޙައްމަދު ރަފީޤް އިސްކޮށްހުންނަވާ ބޭއްވި މި ބައްދަލުވުމުގައި އެކްޓިންގ ޕާމަނަންޓް ސެކްރެޓަރީއާއި މި މިނިސްޓްރީގެ ބައެއް ވެރިން ބައިވެރިވަޑައިގެންނެވިއެވެ. މި ސަރުކާރުން އަންނަނީ ރާއްޖޭގެ ރައްޔިތުންގެ ދުޅަހެޔޮކަމަށް ގިނަގުނަ މަސައްކަތްތަކެއް ކުރައްވަމުންނެވެ.
