ސްޓޭޓް ބޭންކް އޮފް އިންޑިއާ (އެސްބީއައި) މެދުވެރިކޮށް ނަގާފައިވާ 50 މިލިއަން ޑޮލަރުގެ ޓްރެޜަރީ ބިލު ދެއްކުމުގެ މުއްދަތު އިތުރު އަހަރަކަށް އިތުރުކުރުމަށް މިއަދު އިންޑިއާ ސަރުކާރުން ނިންމައިފިއެވެ.
މިއީ މިއަހަރުގެ ޓްރެޜަރީ ބިލުގެ ދެވަނަ ބައި ކަމަށްވާއިރު، ފުރަތަމަ ބައި ވަނީ 13 މެއި 2025 ގައި ރޯލްއޯވާކޮށްފައެވެ.
މިކަމާ ގުޅޭގޮތުން ޚާރިޖީ ވުޒާރާއިން ބުނީ ބަޖެޓް ސަޕޯޓްގެ ގޮތުގައި އިންޑިއާ ސަރުކާރުން ރާއްޖެއަށް ދެމުން ގެންދާ ދީލަތި އެހީތެރިކަން ދިވެހި ސަރުކާރުން ފާހަގަކުރާ ކަމަށެވެ.
އަދި މި މުހިންމު އެހީތެރިކަން ދައްކަުވައިދޭނީ އިންޑިޔާ ސަރުކާރުން ދިވެހި ސަރުކާރާމެދު ޒަމާނުއްސުރެ ބަހައްޓަވާ ގާތްކަން ކަމަށާއި، ދިވެހި ސަރުކާރުން އުންމީދުކުރަނީ، ދެ ޤައުމުގެ ރައްޔިތުންގެ ލާބައާއި ތަނަވަސްކަމަށްޓަކައި، މި ގުޅުން އިތުރަށް ބަދަހިވެގެންދިއުމަށް ކަމުގައިވެސް ޚާރިޖީ ވުޒާރާއިން ވަނީ ބުނެފައެވެ.
