މިނިސްޓަރ އޮފް ސިޓީސް، ލޯކަލް ގަވަރމަންޓް އެންޑް ޕަބްލިކް ވަރކްސް އާދަމް ޝަރީފު ޢުމަރު، ތިލަދުންމަތީ އުތުރުބުރީ އުތީމު ކައުންސިލްގެ ރައީސް ޢަބްދުﷲ ރަޝީދާ ބައްދަލުކުރައްވައިފިއެވެ.
މިއަދު އޮތް މި ބައްދަލުކުރެއްވުމުގައި އުތީމުގައި ޢިމާރާތްކުރުމަށް ހަމަޖެހިފައިވާ ސްޓޭޓް ހައުސްގެ މަސައްކަތާއި، އަލަށް ޢިމާރާތްކުރުމަށް ހަމަޖެހިފައިވާ ކައުންސިލް އިދާރާގެ މަސައްކަތާއި، ރަށުގެ ކުޑަކުދިންގެ ޕާކުގެ މަސައްކަތާއި އަދި ރަށުގައި ކުރިއަށްދާ ތަރައްޤީގެ މަސައްކަތްތަކާ ބެހޭ ގޮތުން މަޝްވަރާކުރެވިފައިވާ ކަމަށް ސިޓީސް އެންޑް ލޯކަލް ގަވަރމަންޓް މިނިސްޓްރީން މައުލޫމާތުދެއެވެ.
މިނިސްޓަރ އާދަމް ޝަރީފު ޢުމަރު ތިލަދުންމަތީ އުތުރުބުރީ އުތީމު ކައުންސިލާ ބައްދަލުކުރައްވައިފި. މިއަދު އޮތް މި ބައްދަލުކުރެއްވުމުގައި އުތީމުގައި ޢިމާރާތްކުރުމަށް ހަމަޖެހިފައިވާ ސްޓޭޓް ހައުސްގެ މަސައްކަތާއި، އަލަށް ޢިމާރާތްކުރުމަށް ހަމަޖެހިފައިވާ ކައުންސިލްގެ އިދާރާގެ މަސައްކަތާއި،… pic.twitter.com/gWRQwIvjVh
— Ministry of Cities, Local Government, Public Works (@MoCLPmv) September 15, 2025
މީގެ އިތުރުން ނޮވެންބަރ މަހު އުތީމުގައި ބޭއްވުމަށް ހަމަޖެހިފައިވާ ތިލައުތުރު ފްޓަސަލް މުބާރާތާ ބެހޭ ގޮތުން ވެސް މަޝްވަރާކުރެވުނެވެ.
މި ބައްދަލުވުމުގައި މިނިސްޓަރގެ އަރިހުގައި ސްޓޭޓް މިނިސްޓަރ އަޙްމަދު ސާލިމާއި، ސްޓޭޓް މިނިސްޓަރ އަޙްމަދު ރަޝީދާއި، ސްޓޭޓް މިނިސްޓަރ މުޙައްމަދު މާހިރާއި އުތީމު ހިމެނޭ ކުލަސްޓަރގެ ކަންތައް ބެލެހެއްޓުމުގައި އިސްކޮށްކޮށް ޙަރަކާތްތެރިވެ ލައްވާ ޑެޕިޔުޓީ މިނިސްޓަރ މުޙައްމަދު ޙަސަން ބައިވެރިވެލެއްވިއެވެ.
