ތިނަދޫ ސިޓީ ކައުންސިލުން ކުރި އިޢުލާނެއްގައި ބުނެފައިވަނީ އެ ކައުންސިލުން ކުއްޔަށް ދޫކޮށްފައިވާ ބިންތަކުގެ ތެރެއިން 2025 އޮގަސްޓް 15 ގެ ނިޔަލަށް އެ އިދާރާއަށް ލިބެންޖެހޭ، ނަމަވެސް ނުލިބިވާ ފައިސާގެ ޢަދަދަކީ 29,891,891.48 ކަމަށެވެ.
މިގޮތުން އެ އިދާރާއިން ވަނީ ގަވާއިދުން ކުލި ނުދައްކާ 42 ފަރާތެއްގެ ތަފްޞީލްވެސް އާންމުކޮށްފައެވެ.
ސިޓީ ކައުންސިލުން ވަނީ ބިމު ކުލި ދައްކަމުން ނުދާ ފަރާތްތަކުން ބިންތަކުގެ ކުލި މަހުން މަހަށް ދައްކަމުން ގެންދިއުމަށް އެދިފައެވެ. އަދި ނުދައްކާހުރި ކުލީގެ ފައިސާ ހޯދުމަށް ޝަރުޢީ މަރުޙަލާތަކަށް ފޮނުވައި، އެފަދަ ބިންތަކާމެދު ޤާނޫނީ ގޮތުން ފިޔަވަޅު އަޅަން ފަށާފައިވާ ކަމަށްވެސް ކައުންސިލްގެ އިޢުލާނުގައި ބުނެފައިވެއެވެ.
