ސީއެސްސީ އަށް ޢައްޔަންކުރުމަށް ހަ ބޭފުޅެއްގެ ނަން ކޮމިޓީއަށް

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ސިވިލް ސަރވިސް ކޮމިޝަންގެ މެންބަރުކަމަށް ޢައްޔަންކުރެއްވުމަށް ހަ ބޭފުޅެއްގެ ނަން ރައްޔިތުންގެ މަޖިލީހަށް ހުށަހަޅުއްވައިފިއެވެ.

ރައީސް މަޖިލީހަށް ފޮނުއްވި ސިޓީގައި ވަނީ ސީއެސްސީގެ ތިން މެންބަރުންގެ މުއްދަތު 3 ސެޕްޓެންބަރު 2025 އަށް ހަމަވާތީ، އެ މަޤާމުތަކަށް މެންބަރުން ޢައްޔަންކުރެއްވުމަށްޓަކައި އިޢުލާން ކުރުމުން، އެކަމަށް އިޖާބަދެއްވި ބޭފުޅުންގެ ތެރެއިން އެ ކޮމިޝަނަށް ޢައްޔަންކުރުމަށް އެމަނިކުފާނަށް ފެނިވަޑައިގަންނަވާ ބޭފުޅުންގެ ނަންތައް ބަޔާންކުރައްވައިފައެވެ.

Advertisement

ސީއެސްސީއަށް ޢައްޔަންކުރެއްވުމަށް ރައީސް ހުށަހެޅުއްވި ބޭފުޅުންގެ ނަންތައް:

1. މުޙައްމަދު ނާޞިޙް، މ. ފަލްކަންގެ
2. ޑރ. ޙުސައިން ފާއިޒް، ދަފްތަރު ނަންބަރު 1325
3. ޑރ. ދީބާ މޫސާ، މ ވައިޓްބެލް
4. އަލްއުސްތާޛާ ބަދުރިއްޔާ މޫސާ، ދަފްތަރު ނަންބަރު ރސ 2414
5. ޑރ. ފާޠިމަތު މުނާ، ވާދީއާގެ، ގއ. ވިލިނގިލި
6. އާމިނަތު އުއްމުކުލްޘޫމް، މޫންލައިޓްހައުސް، ސ. މަރަދޫ

މަޖިލީހުގެ މިއަދުގެ ޖަލްސާގައި މި ހަ ބޭފުޅުންގެ ނަންވެސް ވަނީ ދިރާސާކުރުމަށް މިނިވަން މުއައްސަސާތަކުގެ ކޮމިޓީއަށް ފޮނުވައިފައެވެ.

މި ލިޔުން ކިޔާލުމުން