ހުޅުމާލެ ފޭސް 2ގެ ވަގުތީ މަސް މާރުކޭޓުގައި ގަވާއިދާ ޚިލާފަށް މަސައްކަތް ކުރަމުން އައި 03 ބިދޭސީން ހައްޔަރުކޮށްފިއެވެ.
ގަވާއިދާ ޚިލާފަށް ރާއްޖޭގައި މަސައްކަތް ކުރަމުން އަންނަ ބިދޭސީ މަސައްކަތްތެރިން ހޯދުމުގެ މަސައްކަތް ފުލުހުންނާއި ގުޅިގެން އިމިގްރޭޝަނުން ކުރަމުން އަންނައިރު ޓާސްކް ފޯހުން ވަނީ ހުޅުމާލެ ފޭސް 2ގައި ހުންނަ ވަގުތީ މަސް މާރުކޭޓުގައި ގަވާއިދާ ޚިލާފަށް މަސައްކަތް ކުރަމުންދިޔަ 03 ބިދޭސީއަކު އިމިގްރޭޝަންގެ ބެލުމުގެ ދަށަށް ގެނެސްފައެވެ.
މި މަހުގެ 10 ވަނަ ދުވަހު ޓާސްކް ފޯސްއިން ކުރިއަށް ގެންދިއަ ހާއްސަ ރެއިޑް އޮޕަރޭޝަނެއްގައި ހުޅުމާލެ ފޭސް 2 ގައި ހުންނަ ވަގުތީ މަސް މާރުކޭޓުން ވަނީ ގަވާއިދާ ހިލާފަށް ރާއްޖޭގައި މަސައްކަތް ކުރަމުންދިއަ 03 ބިދޭސީއަކު އިމިގްރޭޝަންގެ ބެލުމުގެ ދަށަށް ގެނެވިފައި.@PoliceMv… pic.twitter.com/oobYE4XiX0
— Maldives Immigration (@ImmigrationMV) August 14, 2025
މިއީ މި މަހުގެ 10 ވަނަ ދުވަހު ޓާސްކް ފޯހުން ކުރިއަށް ގެންދިއަ ޚާއްސަ ރެއިޑް އޮޕަރޭޝަނެއް ކަމަށް އިމިްގރޭޝަނުން ވިދާޅުވިއެވެ.
ބިދޭސީން ދިރިއުޅޭ ގެތައް ބަލައި ފާސްކުރުމުގެ އޮޕަރޭޝަނެއް އިމިގްރޭޝަނުން ފަށާފައިވާއިރު، ގަވާއިދާ ޚިލާފަށް ވިޔަފާރިކޮށް، ސައްޙަ ވިސާ ނެތި އުޅެމުންދާ ބިދޭސީން ދެނެގަތުމަށް ޚާއްސަ އޮޕަރޭޝަނެއްވެސް އަންނަނީ ހިންގަމުންނެވެ.
ގަވާއިދާ ޚިލާފަށް އުޅޭ ބިދޭސީން ހޯދުމަށް ހިންގާ އޮޕަރޭޝަން ރާއްޖޭގެ ހުރިހާ ރަށަކަށް ސަރުކާރުން ވަނީ ފުޅާކޮށްފައެވެ. އަދި ރާއްޖޭގަތިބި ހުރިހާ ބިދޭސީންގެ މަޢުލޫމާތު އެއް ޑޭޓާބޭސްއަކަށް ގެނެސް ބިދޭސީންގެ މައްސަލަތައް 3 އަހަރުގެތެރޭ ޖުމްލަ ޙައްލެއް ގެނައުމަކީވެސް ސަރުކާރުގެ އަމާޒެކެވެ.
މި ލިޔުން ކިޔާލުމުން
