ހދ. ނޭކުރެންދޫއަށް ދިމާވެފައިވާ ކަރަންޓުގެ މައްސަލަ ހައްލުކުރުމަށް އެ ރަށަށް ގެންދިޔަ އައު ޖެންސެޓް ބޭނުންކުރަން ފަށައިފިއެވެ.
މިގޮތުން ފެނަކަ ކޯޕަރޭޝަން ލިމިޓެޑުން މިއަދު އެކްސްގައި ކުރި ޕޯސްޓެއްގައި ބުނެފައިވަނީ ނޭކުރެންދޫއަށް ގެނެވުނު 400 ކިލޯވޮޓުގެ އައު ޖެންސެޓް އިންސްޓޯލުކުރުމަށްފަހު، ބޭނުންކުރަން ފަށާފައިވާ ކަމަށެވެ.
ހދ. ނޭކުރެންދޫއަށް ގެނެވުނު 400 ކިލޯވޮޓުގެ އައު ޖެންސެޓް އިންސްޓޯލުކުރުމަށްފަހު، ބޭނުންކުރަން ވަނީ ފަށާފައި
#TeamFenaka pic.twitter.com/J9JeyqOeb7— Fenaka Corporation Ltd (@TeamFenaka) August 9, 2025
ނޭކުރެންދޫއަށް އައު ޖެންސެޓް ގެންގޮސްފައިވަނީ މިދިޔަ ޖުލައި މަހުގެ 26 ވަނަ ދުވަހުއެވެ.
ރާއްޖޭގެ އެކި ރަށްތަކަށް ދިމާވެފައިވާ އެންމެ ބޮޑު އެއް މައްސަލައަކީ އިތުރުވަމުންދާ އާބާދީއަށް ބޭނުންވާ މިންވަރަށް ކަރަންޓުގެ ޚިދުމަތް ރަނގަޅު ފެންވަރުގައި ފޯރުކޮށްދިނުމުގައި ދިމާވާ ދަތިތަކެވެ. މި މައްސަލަ ހައްލުކުރުމަށް ސަރުކާރުން ދަނީ ކަމާބެހޭ އިދާރާތަކާއެކު ގިނަ މަސައްކަތްތަކެއް ކުރަމުންނެވެ.
މި ލިޔުން ކިޔާލުމުން
