ދިފާޢީ ވުޒާރާގެ ދަށުން ހިންގާ އޭވިއޭޝަން ސެކިއުރިޓީ ކޮމާންޑް (އެވްސެކޮމް) ގައި 30 އަހަރަށް ވުރެ ދިގު މުއްދަތަކަށް ޚިދުމަތްކުރައްވާފައިވާ މުވައްޒަފުންގެ އަގުވަޒަންކޮށް ހަނދާނީ ފިލާ އަރުވައިފިއެވެ.
މިކަމަށްޓަކައި ބޭއްވި ޚާއްޞަ ރަސްމިއްޔާތުގައި، އެވްސެކޮމްގައި 32 އަހަރަށް ވުރެ ގިނަ މުއްދަތަކަށް ޚިދުމަތްކުރައްވައި ރިޓަޔަރ ކުރެއްވި މުޙައްމަދު އިލްޙާމްގެ ޚިދުމަތުގެ އަގުވަޒަންކުރައްވައި ޚާއްޞަ ފިލައެއް ވަނީ އަރުވާފައެވެ.
Honouring Senior Superintendent Mohamed Ilham's remarkable career and leadership as he steps into retirement. His contributions have shaped our journey, and his legacy will continue to inspire. pic.twitter.com/ZyoxkdPvpO
— AVSECOM (@AVSECOMmv) August 4, 2025
އަދި 30 އަހަރަށް ވުރެ ގިނަ މުއްދަތެއްގައި އެވްސެކޮމްއަށް ޚިދުމަތްކުރައްވާފައިވާ 25 ބޭފުޅަކަށްވެސް މި ރަސްމިއްޔާތުގައި ވަނީ ހަނދާނީ ފިލާ އަރުވާފައެވެ.
With over three decades of dedicated service, integrity, and excellence, we extend our sincere gratitude to our remarkable team. Your steadfast commitment and invaluable contributions have been instrumental in shaping our legacy. pic.twitter.com/Fen6ykNjr1
— AVSECOM (@AVSECOMmv) August 4, 2025
ގިނަ މުއްދަތުގެ ޚިދުމަތުގެ ފިލާ މި ބޭފުޅުންނަށް ހަވާލުކޮށްދެއްވީ މިނިސްޓަރ އޮފް ސްޓޭޓް ފޮރ ޑިފެންސް މުޢާޛު ޙަލީމާއި މިނިސްޓަރ އޮފް ސްޓޭޓް ފޮރ ޑިފެންސް ޢާއިޝަތު ޞަފޫރާއާއި ޑެޕިއުޓީ މިނިސްޓަރ އޮފް ޑިފެންސް ފާޠިމަތު މިޒްނާ ޢަލީއެވެ.
މި ރަސްމިއްޔާތުގެ ޝަރަފުވެރި މެހެމާނު މިނިސްޓަރ އޮފް ސްޓޭޓް ފޮރ ޑިފެންސް މުޢާޛު ޙަލީމް ދެއްކެވި ވާހަކަފުޅުގައި، ގިނަ މުއްދަތުގެ ޚިދުމަތުގެ ފިލާ ލިބިވަޑައިގެންނެވި ބޭފުޅުން ކުރައްވާފައިވާ އިޚްލާސްތެރި މަސައްކަތް ފާހަގަކުރައްވައި މި ދިގު މުއްދަތުގައި ދިވެހިރާއްޖޭގެ އޭވިއޭޝަން ސެކިއުރިޓީގައި ކުރައްވާފައިވާ މަސައްކަތްތަކަށް ޝުކުރުއަދާކުރެއްވިއެވެ.
މި ލިޔުން ކިޔާލުމުން
