ރާއްޖެއަށް ޒިޔާރަތްކުރާ ލަންކާ ރައްޔިތުންނަށް 90 ދުވަހުގެ އޮން އެރައިވަލް ވިސާ ދޭން ފަށައިފި

ރާއްޖެއަށް ޒިޔާރަތްކުރާ ސްރީލަންކާގެ ރައްޔިތުންނަށް ތިން މަސް ދުވަހުގެ އޮން-އެރައިވަލް ވިސާ ދޭން ފަށައިފިއެވެ. އިމިގްރޭޝަނުން ހާމަކޮށްފައިވާ ގޮތުގައި ލަންކާ ރައްޔިތުންނަށް 90 ދުވަހުގެ އޮން-އެރައިވަލް ވިސާ ދޭން ފަށާފައިވަނީ ޖުލައި 30 ވަނަ ދުވަހު އެވެ.

Effective 30th July 2025, Sri Lankan citizens will now be granted a 90-day free on-arrival visa when visiting the Maldives. This decision follows discussions between President Dr. @MMuizzu and President @anuradisanayake during the Sri Lankan President’s ongoing state visit to… pic.twitter.com/s2xjFTDP3R

— Maldives Immigration (@ImmigrationMV) July 30, 2025

މިއީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒާއި ސްރީލަންކާގެ ރައީސް އަނޫރާ ކުމާރާ ޑިސަނާޔަކެއާ ދެމެދު ވެވުނު މަޝްވަރާތަކަށްފަހު ނިންމެވި ނިންމެވުމެކެވެ. ރައީސުމްޖުމްހޫރިއްޔާގެ ދަޢުވަތަކަށް އަނޫރާ ކުމާރާ ޑިސަނާޔަކެ ރާއްޖެއަށް ކުރެއްވި ދަތުރުފުޅު ނިންމަވާލައްވައި ފުރާވަޑައިގެންނެވީ ރޭގެ ވަގުތެއްގައެވެ. މިއީ ސްރީލަންކާގެ ރައީސް ޑިސަނާޔަކެ، މިދިޔަ ސެޕްޓެމްބަރ މަހު އެ ޤައުމުގެ ރައީސްކަމާއި ޙަވާލުވެވަޑައިގަތުމަށްފަހު ދިވެހިރާއްޖެއަށް ކުރެއްވި ފުރަތަމަ ފުރަމާނަ ދަތުރުފުޅެވެ. ދިވެހިރާއްޖެއާއި ސްރީލަންކާއާ ދެމެދު ސިޔާސީ ގުޅުން ގާއިމުކުރީ 1965 ވަނަ އަހަރުގައެވެ. އަދި މި އަހަރަކީ މި ގުޅުމަށް 60 އަހަރު ފުރޭ ތާރީޚީ މުނާސަބާ ފާހަގަކުރާ އަހަރުވެސްމެއެވެ. ލަންކާއަށް ދާ ދިވެހީންނަށް މި އަހަރުގެ ޖަނަވަރީ މަހުން ފެށިގެން އަންނަނީ 90 ދުވަހުގެ އޮން-އެރައިވަލް ވިސާ ލިބެމުންނެވެ.