ގއ. ކޮލަމާފުށީ ކައުންސިލުގެ މެންބަރުން ރޯޑް ޑިވެލޮޕްމަންޓް ކޯޕަރޭޝަން (އާރުޑީސީ) ގެ ޑެޕިއުޓީ މެނޭޖިންގ ޑިރެކްޓަރ، މުޙައްމަދު ނަބީޙް ޢަފީފާ ބައްދަލުކުރައްވައިފިއެވެ.
މި ބައްދަލުވުމުގައި އާރުޑީސީގެ ޑީއެމްޑީގެ އިތުރުން އެ ކޯޕަރޭޝަންގެ އެހެނިހެން އިސްވެރިންވެސް ބައިވެރިވެވަޑައިގެންނެވިއެވެ.
ގއ. ކޮލަމާފުށި ކައުންސިލުގެ މެންބަރުން މި ކޯޕަރޭޝަނުގެ ޑެޕިޔުޓީ މެނޭޖިންގ ޑިރެކްޓަރ އަދި އިސްވެރިންނާ ވަނީ ބައްދަލުކުރައްވާފައި، މި ބައްދަލުވުމުގައި މި ކޯޕަރޭޝަނުން އެރަށުގައި ކުރިއަށް ގެންދާ މަޝްރޫޢުތަކާއި ގުޅޭގޮތުން މަޝްވަރާކުރެވުނެވެ.#TeamRDC pic.twitter.com/373nznAClC
— Road Development Corporation Ltd (@rdcmaldives) July 23, 2025
އާރުޑީސީން ހާމަކޮށްފައިވާ ގޮތުގައި މި ބައްދަލުވުމުގައި އެ ކޯޕަރޭޝަނުން ކޮލަމާފުށީގައި ކުރިއަށް ގެންދާ މަޝްރޫޢުތަކާ ގުޅޭގޮތުން މަޝްވަރާކޮށްފައިވެއެވެ.
އާރުޑީސީން ކޮލަމާފުށީގައި ހިންގާ އެންމެ ބޮޑު އެއް މަޝްރޫޢަކީ އެ ރަށުގެ މަގުތައް ޒަމާނީ ފެންވަރަށް ތަރައްޤީކުރުމުގެ މަޝްރޫޢެކެވެ. 85.3 މިލިއަން ރުފިޔާއަށް އެ ކުންފުންޏާ ހަވާލުކޮށްފައިވާ މި މަޝްރޫޢުގެ 74 އިންސައްތައަށް ވުރެ ބޮޑު ބައި މިހާރު ވަނީ ނިމިފައެވެ.
މި ލިޔުން ކިޔާލުމުން
