ކަނޑުގަދަވެ ވައިގަދަވާނެ ކަމަށް ލަފާކޮށް ބޮޑުބަޔަކަށް ރީނދޫ އެލާޓް ނެރެފި

ރާއްޖޭގެ ބޮޑުބަޔަކަށް ވައިގަދަވެ ކަނޑުތައް ވަރަށް ގަދަވާނެ ކަމަށް ލަފާކޮށް ރީނދޫ އެލާޓް ނެރެފިއެވެ. މިއަދު ހެނދުނުން ފެށިގެން ރާއްޖޭގެ އެކި ސަރަހައްދުތަކަށް އެކި ފަހަރުމަތިން ދަނީ ރީނދޫ ސަމާލު ނެރެފައެވެ. މިއަދު ހަވީރު ފަސްގަޑި ތިރީހުން ފެށިގެން މިރޭ ދިހައެއް ޖެހުމާއި ހަމައަށް މިހާރު ވަނީ ހއ އިން ފެށިގެން ފ އަތޮޅާއި ހަމައަށް ރީނދޫ އެލާޓް ނެރެފައެވެ.

Yellow Alert extended. pic.twitter.com/DR4iXgxxaG

— Maldives Meteorology (@MetMaldives) July 18, 2025

މޫސުމާއި ބެހޭ އިދާރާއިން ބުނީ ގަޑިއަކު 30 މޭލާ 35 މޭލާ  ދެމެދުގެ ބާރުމިނުގައި ވައިޖެހި ވިލާގަނޑުގައި ގަޑިއަކު 50 މޭލަށް ވައިގަދަވާނެ ކަމަށެވެ. ރެއިން ފެށިގެން ކުރަމުން އަންނަ ވިއްސާރައިގައި މާލޭއާއި ބައެއް ރަށްރަށުގައި ގަސް ވެއްޓުމުގެ ހާދިސާތައް ދަނީ ހިނގަމުންނެވެ.