ފެށިގެން، ބިދޭސީ މަސައްކަތްތެރިންނާ ގުޅުންހުރި އެންމެހައި ކަސްޓަމަރ ސަޕޯޓް ޚިދުމަތްތައް ވަނީ ރަސްމީކޮށް ދާޚިލީ ސަލާމަތާއި ފަންނިއްޔާތާބެހޭ ވުޒާރާއަށް ބަދަލުކޮށްފިއެވެ.
ޓްރޭޑްނެޓް މޯލްޑިވްސް ކޯޕަރޭޝަނުން ކުރި އިޢުލާނެއްގައި ބުނެފައިވަނީ 1 ފެބްރުއަރީ 2025 ވަނަ ދުވަހުން ފެށިގެން، ކަސްޓަމަރުންނަށް ވުޒާރާގެ ފޮރިން ލޭބަރ ޑިޕާޓްމަންޓާ ސީދާ ގުޅުމަށް ވަންގަވް ކޯލް ސެންޓަރުގައި ޤާއިމްކުރެވިފައިވާ ވަކި އެކްސްޓެންޝަން ބޭނުންކުރެވެމުން ދިޔަނަމަވެސް، 16 ޖުލައި 2025 ވަނަ ދުވަހުން ފެށިގެން، ކަސްޓަމަރުންނަށް 1485 ނަންބަރު މެދުވެރިކޮށް ފޮރިން ލޭބަރ ޑިޕާޓްމަންޓާ ސީދާ ގުޅުމުގެ ފުރުޞަތު ލިބިގެންދާނެ ކަމަށެވެ.
މީގެ އިތުރުން، ކުރިން ވަންގަވް ސަޕޯޓް ސެންޓަރު މެދުވެރިކޮށް ފޯރުކޮށްދެމުން އައި ބިދޭސީ މަސައްކަތްތެރިންނާ ގުޅުންހުރި ވޯކް-އިން ސަޕޯޓް ޚިދުމަތްތައް މިހާރު ލިބޭނީ ވޯޓަރފްރަންޓް ބިލްޑިންގްގައި ޤާއިމްކުރެވިފައިވާ އައު ސަޕޯޓް ސެންޓަރުން ކަމަށްވެސް އިޢުލާނުގައި ބުނެފައިވެއެވެ.
ޓްރޭޑްނެޓުން ބުނީ މި ބަދަލު ގެނެވިފައިވަނީ ސަރުކާރުން ޚިދުމަތް ފޯރުކޮށްދިނުމުގެ ފެންވަރު މަތިކުރުމަށާއި، ބިދޭސީ މަސައްކަތްތެރިންނާ ގުޅުންހުރި ކަންކަމުގައި އާންމުންގެ ސުވާލުތަކަށް އިތުރަށް ހަލުވިކަމާއެކު އަދި ފުރިހަމައަށް ޖަވާބުދާރީވުމަށް ކުރެވެމުންދާ މަސައްކަތުގެ ތެރެއިން ކަމަށެވެ.
ޓްރޭޑްނެޓުން ވަނީ ބިދޭސީ މަސައްކަތްތެރިންނާ ގުޅުންހުރި ޚިދުމަތްތަކާ ބެހޭގޮތުން އެހީތެރިކަން ބޭނުންވާ ނުވަތަ މަޢުލޫމާތު ހޯދުމަށް، އިއްޔެއިން ފެށިގެން ދާޚިލީ ސަލާމަތާއި ފަންނިއްޔާތާބެހޭ ވުޒާރާއަށް ކަނޑައެޅިފައިވާ ޗެނަލްތައް މެދުވެރިކޮށް ގުޅުމަށް އިލްތިމާސް ކޮށްފައެވެ.
