ދުނިޔޭގެ އެންމެ މުއްސަނދި މަހުޖަނު އީލޮން މަސްކް ސިޔާސީ ޕާޓީއެއް އުފައްދާކަން އިއުލާންކޮށްފިއެވެ.
އޭނާ ސިޔާސީ ޕާޓީއެއް އުފައްދާކަން މި އިއުލާންކުރީ އެމްރިކާގެ ރައީސް ޑޮނަލްޑް ޓްރަމްޕް އާއި ދެމެދު މައްސަލަ ޖެހި، އެކަން ހޫނުވެފައިވާ ދަނޑިވަޅެއްގައެވެ.
އެމެރިކާގެ މިނިވަން ދުވަހު "އެމެރިކާ ޕާޓީ"ގެ ނަމުގައި އާ ސިޔާސީ ޕާޓީއެއް އުފައްދާކަން މަސްކް އިއުލާންކުރީ އޭނާގެ އެކްސް އެކައުންޓުގައެވެ. އެކްސްއެކައުންޓްގައި ޕާޓީ އުފެއްދުމަށް ހުޅުވާލި ޕޯލްއަށް 65 އިން ސައްތަ މީހުން ވޯޓް ދިނީ އައު ޕާޓީއެއް އުފެއްދުމަށެވެ.
Independence Day is the perfect time to ask if you want independence from the two-party (some would say uniparty) system!
Should we create the America Party?
— Elon Musk (@elonmusk) July 4, 2025
ޓްރަމްޕް ވެރިކަމަށް ގެންނަން އެންމެ ބޮޑަށް މަސައްކަތް ކުރެއްވި މަސްކް ވަނީ އެމެރިކާގެ ސަރުކާރުން ވަކިވެފައެވެ.
މަސްކް ވަނީ "ސަރުކާރުގެ ހާއްސަ މުވައްޒަފެއްގެ" ގޮތުގައި ސަރުކާރު ހިންގުމުގެ ތެރެއިން ޚަރަދުތައް ކުޑަކޮށް، އިސްރާފުތައް މަދުކުރުމަށް އުފައްދާފައިވާ ޑިޕާޓްމަންޓް އޮފް ގަވަމެންޓް އެފިކަސީ (ޑޯޖް) ހިންގުމެވެ. އޭނާ ސަރުކާރުން ވަކިވެފައިމިވަނީ ސަރުކާރުގެ ޚަރަދާ ގުޅޭ ގާނޫނެއް ފާސްކުރި ނިންމުމެއްގެ މައްސަލާގައި ޓްރަމްޕްއާ ޚިޔާލުތަފާތުވެގެންނެވެ.
މަސްކު ވަނީ 2024ވަނަ އަހަރުގެ ރިޔާސީ އިންތިހާބުގައި ޓްރަމްޕާ އެއްކޮށްޅަށް ވަރަށް ބޮޑަށް ވާކާލާތުކޮށް، ޓްރަމްޕް އަލުން ވެރިކަމަށް ވަރަށް ބޮޑަށް ތާޢީދުކޮށްފައެވެ.
މި ލިޔުން ކިޔާލުމުން
