ގއ. ދެއްވަދޫ ގިރާ ސަރަޙައްދަށް ޙިމާޔަތްކުރުމުގެ މަސައްކަތް ފެށުމަށް ތައްޔާރުވެއްޖެއެވެ.
ރައްޔިތުން ކަންބޮޑުވާ މިންވަރަށް ރަށްގިރުމުގެ މައްސަލަ ކުރިމަތިވެފައިވާ ދެއްވަދޫގެ ގިރާ ސަރަޙައްދު ޙިމާޔަތްކުރުމުގެ މަސައްކަތަކީ އެ ރަށު ކައުންސިލުން އެދިލައްވައިގެން މިނިސްޓްރީ އޮފް ސިޓީސް، ލޯކަލް ގަވަރމަންޓް އެންޑް ޕަބްލިކް ވަރކްސްގެ ތިނަދޫ ޕަބްލިކް ވަރކްސް ޔުނިޓާއި، އެމްޓީސީސީ ގުޅިގެން ކުރުމަށް ތައްޔާރުވަމުންދާ މަސައްކަތެއް ކަމަށް ސިޓީސް އެންޑް ލޯކަލް ގަވަރމަންޓް މިނިސްޓްރީން މައުލޫމާތުދެއެވެ.
ގއ. ދެއްވަދޫ ގިރާ ސަރަޙައްދު ހިމާޔަތްކުރުމުގެ މަސައްކަތް ކުރުމަށް، މިނިސްޓްރީގެ ތިނަދޫ ސިޓީ ޕަބްލިކް ވަރކްސް ސައިޓްގައި ހުރި ވެހިކަލްތައް ގެންދިއުން. pic.twitter.com/IjnX5epA1V
— Ministry of Cities, Local Government, Public Works (@MoCLPmv) July 2, 2025
ދެއްވަދޫ ކައުންސިލުން މައުލޫމާތު ދިންގޮތުގައި އެ ރަށުގެ ގިރާ ސަރަޙައްދު ޙިމާޔަތްކުރުމުގެ މަސައްކަތަކީ އެމްޓީސީސީއާ ޙަވާލުކޮށްފައިވާ މަސައްކަތެކެވެ. ނަމަވެސް މަސައްކަތް މެދުކެނޑިފައި އޮންނަތާ ގިނަ ދުވަސްތަކެއްވުމުގެ ސަބަބުން ޚާއްޞަކޮށް މި ދުވަސްވަރު އެ ސަރަޙައްދު އާދައާޚިލާފަށް ގިރަމުން އަންނަކަން ވަނީ ފާހަގަކުރެވިފައެވެ. އެހެންކަމުން މިހާރު ފެށުމަށް ތައްޔާރުވަމުންދާ މި މަސައްކަތަކީ ވަގުތީ ޙައްލެއް ހޯދުމުގެ ގޮތުން ކުރެވޭ މަސައްކަތެކެވެ.
މި މަސައްކަތަށް މިނިސްޓަރ އާދަމް ޝަރީފު ޢުމަރު ދެއްވި ސަމާލުކަން ފާހަގަކުރައްވާ މިނިސްޓަރަށާއި، ތިނަދޫ ޕަބްލިކް ވަރކްސް ޔުނިޓުގެ މުވައްޒަފުންނަށް ދެއްވަދޫ ކައުންސިލްގެ ރައީސް ޝުކުރުއަދާކުރެއްވިއެވެ. މަސައްކަތް ފެށުމަށް ބޭނުންވާ ބައެއް ވެހިކަލް ތިނަދޫ ޕަބްލިކް ވަރކްސް ޔުނިޓުން މިއަދު ހެނދުނު ވަނީ އެ ރަށަށް ގެންދެވިފައެވެ.
މި ލިޔުން ކިޔާލުމުން
