ރާއްޖޭގައި ޙަލާލް ޓޫރިޒަމް ފެށުމަށް ސަރުކާރުން ނިންމަވައިފިއެވެ. މިކަން އިޢުލާންކުރެއްވީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މިއަދު އެކްސްގައި ކުރެއްވި ޕޯސްޓެއްގައެވެ.
މިގޮތުން ރައީސް ވިދާޅުވީ ރާއްޖޭގެ ފަތުރުވެރިކަމުގެ ސިނާއަތަކީ މުޅި ދުނިޔޭގައިވެސް މަޝްހޫރު ސިނާއަތެއް ކަމަށާއި، ރާއްޖެއަކީ ދެމެހެއްޓެނިވި ގޮތެއްގައި ޒިޔާރަތްކުރާ ފަރާތްތަކުގެ ތަޖުރިބާއާއި މެހުމާންދާރީއަށް ނަމޫނާއެއް ކަމަށެވެ.
Our tourism industry is one that is renowned across the world. We remain a model for sustainability, visitor experience and hospitality. Now, we aim to embark on being a leader and a benchmark in Halal Tourism.
I am happy to announce that the government will be designating…
— Dr Mohamed Muizzu (@MMuizzu) June 27, 2025
ރައީސް ވިދާޅުވީ މިހާރު އަމާޒުކުރައްވަނީ ޙަލާލް ޓޫރިޒަމްގެ ދާއިރާއިން އެންމެ މައްޗަކަށް ދިއުމަށް މަސައްކަތް ކުރެއްވުމަށް ކަމަށެވެ.
މިގޮތުން، ޙަލާލް ފަތުރުވެރިކަން ތަރައްޤީކުރުމަށް ޚާއްޞަ ބައެއް ރަށްތައް ސަރުކާރުން ކަނޑައަޅުއްވާނެކަން އެމަނިކުފާނު އިޢުލާންކުރެއްވިއެވެ. ރައީސް ވިދާޅުވީ މިއާއެކު އިންވެސްޓަރުންނަށް ބޮޑެތި އިނާޔަތްތަކެއް ލިބިގެންދާނެ ކަމަށާއި، މިކަމުގެ ސަބަބުން ޕްރޮޑަކްޓް އޮފާތައް އިތުރުކޮށް ހަރުދަނާކުރުމަށް އެހީތެރިވެދޭނެ ކަމަށެވެ.
ރައީސް ވިދާޅުވީ އަންނަ ހަފުތާގެ ތެރޭގައި ސަރުކާރު ޙަލާލް ފަތުރުވެރިކަމާ ބެހޭ ޕްލޭންގެ އިތުރު ތަފްސީލްތައް ފަތުރުވެރިކަމާއި ތިމާވެށްޓާ ބެހޭ ވުޒާރާއިން އިޢުލާންކުރާނެ ކަމަށެވެ. އަދި ރާއްޖެއިން އަދިވެސް އޮތީ އިންވެސްޓްމަންޓަށް ތައްޔާރަށް، ދުނިޔޭގެ އެކި ކަންކޮޅުތަކުން އިންވެސްޓަރުންނަށް މަރުޙަބާ ކިޔަން ތައްޔާރަށް ކަމުގައިވެސް އެމަނިކުފާނު ވިދާޅުވިއެވެ.
މި ލިޔުން ކިޔާލުމުން
