ވިލިމާލޭގައި 100 އެނދުގެ ޓާޝަރީ ހޮސްޕިޓަލް އެޅުމަށް ބޭނުންވާ ބިން ހުސްކުރުމަށްޓަކައި، ވިލމާލެ ހޮސްޕިޓަލް ވަގުތީގޮތުން ހިންގުމަށް، ވިލިމާލޭގައި ހުންނަ އަމާން ހިޔާގެ އިމާރާތް ހަވާލުކޮށްފިއެވެ.
ހެލްތު މިނިސްޓްރީން މާލެސިޓީ ގުރޫޕް އޮފް ހޮސްޕިޓަލް އާއި ހަވާލުކުރުމުގެ އެއްބަސްވުމުގައި ސޮއިކުރެއްވީ ސްޓޭޓް މިނިސްޓަރ އިސްމާއީލް އަބުދުاللهއެވެ.
މާލޭ ސިޓީ ގްރޫޕް އޮފް ހޮސްޕިޓަލްސް ގެ ފަރާތުން އެއްބަސްވުމުގައި ސޮއިކިރެއްވީ ސީއީއޯ އަބުދުއް ރައްޒާޤް ހަލީމް އެވެ. ވިލިމާލޭގައި އަޅާ 100 އެނދުގެ ޓަރޝަރީ ހޮސްޕިޓަލް އެޅުމަށް ހަވާލުކޮށްފައިވަނީ ޗައިނާގެ ކުންފުންޏަކާއެވެ. ޗައިނާގެ ހިލޭ އެހީގައި ވިލިމާލޭގައި އިމާރާތް ކުރަން ނިންމާފައިވާ ޓާޝަރީ ހޮސްޕިޓަލަށް "ވިލިމާލެ-ޗައިނާ މޯލްޑިވްސް ފްރެންޑްޝިޕް ހޮސްޕިޓަލް" ގެ ނަން ދޭން ވެސް ވަނީ ކަނޑައަޅާފައެވެ. ވިލިމާލޭ ހޮސްޕިޓަލް އިމާރާތް ކުރުމުގެ "ލެޓާ އޮފް އެކްސްޗޭންޖު" ގައި މިހާރުވަނީ ސޮއިކޮށްފައެވެ.
