މެއި މަހުގެ ނިޔަލަށް ނުކުޅެދުންތެރިކަން ހުންނަ މީހުންގެ ދަފުތަރުގައި 14،308 މީހުން!

މެއި މަހުގެ ނިޔަލަށް ނުކުޅެދުންތެރިކަން ހުންނަ މީހުންގެ ދަފުތަރުގައި 14،308 މީހުން ރަޖިސްޓްރީކޮށްފައިވާ ކަމަށް ނޭޝަނަލް ސޯޝަލް ޕްރޮޓެކްޝަން އެޖެންސީ ( އެންސްޕާ) ގެ ތަފާސް ހިސާބުތަކުން ދައްކައިފިއެވެ. އެންސްޕާއިން މިއަދު އާއްމުކުރި ތަފާސް ހިސާބުތައް ދައްކާގޮތު އޭގެ ތެރެއިން ގިނަ މީހުންނަކީ ޖިސްމާނީ ނުކުޅެދުންތެރިކަން ހުރި މީހުންނެވެ. ޖިސްމާނީ ނުކުޅެދުންތެރިކަން ހުރި ޖުމުލަ 4،091 މީހުން ރަޖިސްޓްރީކޮށްފައިވެއެވެ.

މޭ 2025 ގެ ނިޔަލަށް ނުކުޅެދުންތެރިކަން ހުންނަ މީހުންގެ ދަފްތަރުގައި ރަޖިސްޓްރީވެފައިވާ ފަރާތްތަކުގެ ނުކުޅެދުންތެރިކަމުގެ ގިންތި މޭ 2025 pic.twitter.com/kPDROpDrfK

— NSPA (@NSPAmaldives) June 22, 2025

މަލްޓިޕަލް ޑިސްއެބިލިޓީ ހުރި 3،194 މީހުން ތިބިއިރު، ސިކުނޑީގެ ނުކުޅެދުންތެރިކަން ހުންނަ 1،892 މީހުން އެބަތިއްބެވެ.

ތަފާސްް ހިސާބުތަކުން ދައްކާގޮތުން:

• ނަފުސާނީ ނުކުޅެދުންތެރިކަން :  1،753
• އަޑުއިވުމާއި ވާހަކަދެއްކުމުގެ ނުކުޅެދުންތެރިކަން:   1،740
• ފެނުމުގެ ނުކުޅެދުންތެރިކަން : 999
• އޯޓިޒަމް : 584
• އުނގެނުމުގެ ނުކުޅެދުންތެރިކަން:   55

މެއި މަހު ދަފުތަރުގައި ހިމެނޭ 14،144 މީހަކަށް އެންސްޕާއިން މާލީ އެހީ ފޯރުކޮށްދިނުމަށް ޖުމުލަ 50،768،000 ވަނީ  ޚަރަދުކޮށްފައެވެ.