އައްޑޫ ސިޓީ މަރަދޫފޭދޫ އަވަށުގައި ކުޑަކުދިންގެ ޕާރކެއް ތަރައްޤީކުރުމަށް ބަޔާކާއި ހަވާލުކޮށްފިއެވެ.
އެގޮތުން އައްޑޫ ސިޓީ ކައުންސިލާއި ލިފްޓެޑް މޯލްޑިވްސް ޕްރައިވެޓް ލިމިޓެޑްއާއެކު ވެވުނު އެއްބަސްވުމުގައި މިހާރު ވަނީ ސޮއި ކޮށްފައެވެ.
އައްޑޫ ސިޓީ މަރަދޫފޭދޫ އަވަށުގައި ކުޑަކުދިންގެ ޕާރކެއް ތަރައްޤީކުރުމުގެ ގޮތުން އައްޑޫ ސިޓީ ކައުންސިލާއި ލިފްޓެޑް މޯލްޑިވްސް ޕްރައިވެޓް ލިމިޓެޑްއާއެކު ވެވުނު އެއްބަސްވުމުގައި ސޮއި ކުރުމުގެ ތެރެއިން. 1/2 pic.twitter.com/9Fce3rhAQa
— Addu City Council (@AdduCityCouncil) June 21, 2025
މި އެއްބަސްވުމުގައި ސޮއި ކުރެވޭ ތާރީޚުން ފެށިގެން 45 ދުވަހުގެ ތެރޭގައި މަސައްކަތް ނިންމުމަށް ވަނީ އެއްބަސްވެފައެވެ.
މިއީ 381,030.21 ރުފިޔާ ޚަރަދުކުރެވިގެން ކުރިއަށް ގެންދެވޭ މަޝްރޫޢުއެއްކަމަށް ސިޓީ ކައުންސިލުން މައުލޫމާތުދެއެވެ.
