ޑިޕާޓްމަންޓް އޮފް ޕަބްލިކް އެގްޒަމިނޭޝަނުން މިއަދު އިޢުލާނުކުރި ގޮތުގައި، މިއަހަރު ބާއްވާ އެޑެކްސެލް އޭލެވެލް އަދި އެޗް.އެސް.ސީ އިމްތިޙާނުތަކުގައި ބައިވެރިވުމަށް އެދޭ ދަރިވަރުންނަށް އެޕްލިކޭޝަން ހުށަހެޅުމުގެ ފުރުޞަތު ހުޅުވާލައިފިއެވެ.
މި އިމްތިޙާނުތައް ކުރިއަށް ގެންދިއުމަށް ހަމަޖެހިފައިވަނީ ސެޕްޓެންބަރު އަދި އޮކްޓޫބަރު މަހުގައެވެ. ޑިޕާޓްމަންޓުން މަޢުލޫމާތު ދެއްވި ގޮތުގައި، އަމިއްލަގޮތުން މި އިމްތިޙާނުތަކުގައި ބައިވެރިވާން ބޭނުންވާ ދަރިވަރުންނަށް އެޕްލިކޭޝަން ފޯމު ދޫކުރުމާއި ފައިސާ ބަލައިގަތުން ކުރިއަށްދާނީ އަންނަ މަހުގެ 10 ވަނަ ދުވަހުގެ މެންދުރު 12:00 އާ ހަމައަށެވެ.
އެޕްލިކޭޝަން ފޯމު ލިބެން ހުންނާނީ ޑިޕާޓްމަންޓްގެ ކައުންޓަރުންނާއި، ޑިޕާޓްމަންޓްގެ ވެބްސައިޓް www.dpe.edu.mv އިންނެވެ. މީގެ އިތުރުން، އޮންލައިންކޮށް އެޕްލިކޭޝަން ހުށަހަޅަން ބޭނުންވާ ފަރާތްތަކަށް [email protected] އަށް މެއިލް ކުރެވޭނެ ކަމަށް ޑިޕާޓްމަންޓުން މަޢުލޫމާތު ދެއްވިއެވެ.
މި އިމްތިޙާނުތަކަކީ ދިވެހިރާއްޖޭގެ މަތީ ތަޢުލީމަށް ވަނުމަށް ބޭނުންކުރެވޭ މުހިންމު އިމްތިޙާނުތަކެއް ކަމަށްވުމާއެކު، ގިނަ ދަރިވަރުން މި ފުރުޞަތުގައި ބައިވެރިވުމަށް އެދޭނެ ކަމަށް ލަފާކުރެވެއެވެ. ޑިޕާޓްމަންޓް އޮފް ޕަބްލިކް އެގްޒަމިނޭޝަނުން ދަރިވަރުންނަށް އިލްތިމާސްކުރައްވަނީ، ސުންގަޑިއަށް ސަމާލުވެ، ވީހާވެސް އަވަހަކަށް އެޕްލިކޭޝަން ހުށަހެޅުމަށެވެ.
މި ލިޔުން ކިޔާލުމުން
