ގައްދޫ ދާއިރާގެ ކުރީގެ މެމްބަރު އަހްމަދު ރަޝީދު ނިޔާވެއްޖެ

ރައްޔިތުންގެ މަޖިލީހުގެ ގައްދޫ ދާއިރާގެ ކުރީގެ މެންބަރު އަހްމަދު ރަޝީދު މިއަދު ނިޔާވެއްޖެއެވެ.

ބައެއް މީޑިއާތަކުން ރިޕޯޓްކޮށްފައިވާ ގޮތުގައި ރަޝީދު އަވަހާރަވީ، އާލާސްކަންފުޅާ އުޅުއްވުމަށްފަހު، މިއަދު އައިޖީއެމް ހޮސްޕިޓަލުގައެވެ.

ރަޝީދަކީ 19ވަނަ ރައްޔިތުންގެ މަޖިލީހުގައި ގައްދޫ ދާއިރާ ތަމްސީލްކުރެއްވި ޕީޕީއެމްގެ މެންބަރެވެ. ކުރީގެ ރައީސް އަބްދުﷲ ޔާމީންގެ ވެރިކަމަށްފަހުގައި ވެސް އޭނާ ގެންދެވީ ޕީޕީއެމްގެ ހަރަކާތްތަކުގައި އިސްކޮށް މަސައްކަތް ކުރައްވަމުންނެވެ.

ރައީސުލްޖުމުހޫރިއްޔާ ޑރ. މުހައްމަދު މުއިއްޒު ވަނީ އެމަނިކުފާނުގެ އާއިލާއަށް ތައުޒިޔާ ދަންވާފައެވެ.

إِنَّا ِللهِ وَإِنَّآإِلَيْهِ رَاجِعُون ރައްޔިތުންގެ މަޖިލީހުގެ ގައްދޫ ދާއިރާގެ މެންބަރުކަން ކުރައްވާފައިވާ އަދި ސިޔާސީ ގިނަ މަސައްކަތްޕުޅުތަކެއް އަޅުގަނޑުމެންނާއެކު ކުރައްވާފައިވާ ލޮބުވެތި އަޚް، އަޙްމަދު ރަޝީދު އަވަހާރަވުމުގެ ހިތާމައިގާ ބައިވެރިވެ، މަރްޙޫމުގެ ޢާއިލާއަށް… pic.twitter.com/E6glOdwZF5

— Dr Mohamed Muizzu (@MMuizzu) June 10, 2025

މަޖިލީހުގައި ރަޝީދު އާއި އެކު މަސައްކަތް ކުރެއްވި ބެފުޅުން ދަނީ އެމަނިކުފާނުގެ އާއިލާއަށް ތައުޒިޔާ ދަންނަވަމުންނެވެ. އެގޮތުން ރައްޔިތުންގެ މަޖިލީހުގެ ރައީސް އަބުދު ރަހީމް އަބުދުﷲ ވެސް ވަނީ އެމަނިކުފާނުގެ އާއިލާއަށް ތައުޒިޔާ ދަންނަވާފައެވެ.