ރޯޑް ޑިވެލޮޕްމެންޓް ކޯޕަރޭޝަން (އާރްޑީސީ) އާއި އިޖްތިމާޢީ އަދި ޢާއިލީ ތަރައްޤީގެ ވުޒާރާއާ ދެމެދު ވެފައިވާ އެއްބަސްވުމެއްގެ ދަށުން ކުރިއަށްގެންދާ އިންޓަރންޝިޕް ޕްރޮގްރާމުގެ ދެވަނަ ބުރު މިއަދު ރަސްމީކޮށް ފަށައިފިއެވެ.
މި ޕްރޮގްރާމަކީ ޚާއްޞަ އެހީއަށް ބޭނުންވާ ފަރާތްތަކަށް އަމާޒުކޮށްގެން ކުރިއަށްގެންދާ އިންޓަރންޝިޕް ޕްރޮގްރާމެއް ކަމަށްވާއިރު، މި ބުރުގައި 4 ބައިވެރިން ބައިވެރިވެއެވެ. ޕްރޮގްރާމުގައި ބައިވެރިވާ ކޮންމެ ފަރާތަކަށް މަހަކު 5000 ރުފިޔާގެ ޚާއްޞަ އެލަވަންސެއް ދެވޭނެ ކަމަށް އިޖްތިމާޢީ އަދި ޢާއިލީ ތަރައްޤީގެ ވުޒާރާއިން މަޢުލޫމާތު ދެއްވިއެވެ.
https://twitter.com/rdcmaldives/status/1929501415791288666?ref_src=twsrc%5Etfw%7Ctwcamp%5Etweetembed%7Ctwterm%5E1929501415791288666%7Ctwgr%5E3b18f6d595a227f494d3d885d452641e9e7f2514%7Ctwcon%5Es1_&ref_url=https%3A%2F%2Fras.mv%2Fpost%2F55533
އިންޓަރންޝިޕް ޕްރޮގްރާމްގެ ފުރަތަމަ ބުރު ކާމިޔާބުކަމާއެކު ނިންމާލުމަށްފަހު، މި ދެވަނަ ބުރު ފެށުމާއެކު އިތުރު ފުރުޞަތުތަކެއް ހުޅުވިގެންދާނެ ކަމަށް އާރްޑީސީގެ ފަރާތުން ބުނެފައިވެއެވެ. އަދި މި ޕްރޮގްރާމްގެ ސަބަބުން ޚާއްޞަ އެހީއަށް ބޭނުންވާ ފަރާތްތަކަށް މުޖުތަމަޢުގައި ހަރަކާތްތެރިވުމުގެ ފުރުޞަތު އިތުރުވެގެންދާނެ ކަމަށްވެސް އެ ފަރާތުން ފާހަގަކުރެއްވިއެވެ.
