އޭޕްރީލް މަހުގެ 18 ވަނަ ދުވަހުގެ ރޭ ހައްވާ ޔުމްނު ރަޝީދު ވެއްޓުނު ހާދިސާގެ ތަހްގީގު ކުރިއަށް ގެންދަން ރައީސް ޑރ. މުހައްމަދު މުއިއްޒު އުފެއްދެވި ރިޔާސި ކޮމިޝަނުގެ މަސައްކަތުގެ ފައިނަލް ރިޕޯޓް ކުރިއަށް އޮތް ދެ ހަފުތާގެ ތެރޭގައި ރައީސް އަށް އެރުވޭ ވަރުވާނެ ކަމަށް އެ ކޮމިޝަނުން މިއަދު ބުނެފި އެވެ.
އިންކުއަރީ ކޮމިޝަނުން އެކްސްގައި ކުރި ޕޯސްޓެއްގައި ބުނީ، އެ ކޮމިޝަނުގެ ތަހުގީގު ރިޕޯޓު ދެ ހަފުތާގެ ތެރޭގައި ރައީސަށް އެރުވޭ ވަރުވާނެ ކަމަށެވެ.
The Commission is about to complete the task assigned to it. Members of the Commission hope to submit their final report to the President in about two weeks.
— Inquiry Commission (@InquiryCom) June 1, 2025
ރިޔާސީ ކޮމިޝަނަކީ އިމާރާތެއްގެ މަތިން ޔުމްނު ވެއްޓިފައި އޮއްވައި ފެނުނު މައްސަލަ ބަލަން ރައީސް މުއިއްޒު އޭޕްރީލް މަހުގެ 26 ވަނަ ދުވަހުގެ އުފެއްދެވި ކޮމިޝަނެކެވެ. މި ކޮމިޝަންގައި ފަސް މެމްބަރުން ތިއްބަވައެވެ.
އެމކޮމިޝަނުން މިއަދު ބުނީ ކޮމިޝަންގެ މަސައްކަތް ނިމެން މިހާރު ގާތް ވެފައިވާ ކަމަށެވެ.
ކޮމިޝަން ރައީސް އުފެއްދެވީ އުފެއްދެވީ ފުލުހުން ހިންގާ ތަހުގީގާ މެދު ސުވާލުތަކެއް އުފެދި، އިތުބާރު ގެއްލި ޒުވާނުންތަކެއް މުޒާހަރާވެސް ކުރިަފަހުންނެވެ.
ކޮމިޝަންގައި ތިއްބަވާ މެމްބަރުންނަކީ ކުރީގެ ބަންޑާރަ ނައިބު ޑރ. މުހައްމަދު މުނައްވަރާއި ބްރިގޭޑިއާ ޖެނެރަލް ރިޓަޔާޑް އަހުމަދު މުހައްމަދާއި ޑރ. މޫސާ މުރާދާއި ޖަބީން މުހައްމަދާއި އައިމިނަތު އީނާސް އެވެ. ކޮމިޝަންގެ ރައީސަކީ މުނައްވަރެވެ.
